ټولنه

د نورستان ولایت مقام وایي، په پارون ښار کې د نهه میلیون افغانۍ په لګښت د برېښنا د یوې شبکې له بیارغولو وروسته له ۳۰۰ کورونو پرې شوې برېښنا بېرته ونښلول شوه.

ننګرهار کې د ښاروالۍ مسوولین وايي چې د دغه ولایت د مرکز جلال‌اباد ښار پاکولو په موخه حشر ترسره شو.

د ننګرهار د اطلاعاتو او فرهنګ رياست د ځوانانو چارو امريت وايي، روان کال په دغه ولايت کې شاوخوا زرو ځوانانو ته د وړيا او نيمه وړيا زده‌کړو زمینه برابره شوې ده.

د کار او ټولنیزو چارو وزارت مرستیال سرپل ته د خپل سفر په ترڅ کې ویلي چې د دغه وزارت د فن او حرفې له مرکزونو هر کال ۲۰ زره کسان فارغ او د کار لپاره بازار ته وړاندې کېږي او هڅه کوي څو دغه مرکزونه په ولسوالیو کې هم جوړ کړي.

بدخشان کې د بهارک ولسوالۍ د فراخ دښتې دوبندي کلي یو شمېر اوسېدونکي وایي چې د دغه کلي سلګونه کورنۍ د څښاک اوبو له کمښت سره مخ دي او د سیند له اوبو د استفادې له امله پر بېلابېلو ناروغیو اخته کېږي.

د غزني ولایت په ناوې ولسوالۍکې د دوو کورنيو ترمنځ یو کلنه دښمني د قومي مشرانو او حکومتي مسوولینو په منځکړتوب حل او فصل شوه.

د پکتیکا یو شمېر اوسېدونکي وايي چې په دغه ولایت کې یوازې دوه د برېښنايي تذکرو مرکزونه دي چې د ګڼې ګوڼې او لرې‌والي له امله دوی نه شي کولای په اسانۍ تذکرې ترلاسه کړي.

د کار او ټولنيزو چارو وزارت مسوولین وايي چې د کارموندنې او بې‌کارۍ کمولو په موخه یې په بلخ ولایت کې ۱۶۰ کسانو ته د حرفوي زده‌کړو زمينه برابره کړې ده.

په لوګر کې د دولتي ځمکو د غصب مخنیوي کمېسیون وایي، د دغه ولایت په مرکز پل‌علم کې شاوخوا  ۱۶ سوه جریب غصب شوې ځمکه بېرته راګرځول شوې ده.

د ننګرهار یو شمېر اوسېدونکي وايي چې د دغه ولایت په مرکز جلال‌اباد ښار کې د یوناني درملو ډېری پلورونکي غیرمسلکي دي، د دې پر ځای چې درمل یې ګټه ورسوي، ستونزې پیدا کوي.

د اروزګان ځایي مسوولین وایي چې د خلکو، په ځانګړې توګه د ماشومانو د ژوند خوندیتوب په موخه یې په دغه ولایت کې د ژورو څاګانو د سرونو پټولو او له هغو د دېوالونو راچاپېرولو لړۍ پیل کړې ده.

د احصايې او معلوماتو ملي اداره وايي چې په تېره میاشت کې د هېواد د هوايي ډګرونو او ځمکني بندرونو له لارې افغانستان ته د درې زره او ۳۲۸ بهرنيو وګړو تګ راتګ ثبت شوی دی.