نړیوال خبرونه

د راپورونو له مخې، اسلام‌اباد کې د تحريک انصاف ګوند د پلويانو د لاریونونو له پیله تر اوسه پنځه پولیس وژل شوي، تر سلو زیات ټپیان دي او د پاکستان پولیسو ویلي چې د یاد ګوند ۳۸۰ پلویان یې نیولي دي.

د خیبر پښتنوخوا په کورمه کې د موټرو پر یوه کاروان له خونړي برید وروسته په رامنځته شوو نښتو کې لسګونو کسانو ته مرګ‌ژوبله اوښتې ده.

د راپورونو له مخې، په تېرو ۴۸ ساعتونو کې په غزه او بیروت کې د اسرائیل تازه بریدونو له امله ۱۴۰ کسانو ژوند له لاسه ورکړی دی.

د ازربایجان په پلازمېنه باکو کې د «کاپ۲۹» ناسته د اقلیمي بدلونونو له ناوړه اغېزو سره د مبارزې لپاره، ډېرو بې‌وزله هېوادونو ته په کال کې د ۳۰۰ میلیاد ډالرو په ځانګړي کېدو پای ته ورسېده.

د راپورونو له مخې، اردن کې د اسراییل سفارت ته څېرمه د یوه کس په ډزو کې درې پولیس ټپیان شوي او وروسته پولیسو بریدکوونکی وژلی دی.

د خیبر پښتنوخوا په کورمه کې د موټرو پر یوه کاروان له خونړي برید وروسته په رامنځته شوو نښتو کې مرګ‌ژوبله اوښتې او په ځینو سیمو کې کورونو او هټیو ته هم اور اچول شوی دی.

د ملګرو ملتونو د بشري مرستو همغږي‌کوونکي دفتر (اوچا) اعلان کړی چې په ۲۰۲۴ زېږدیز کال کې په ټوله نړۍ کې ۲۸۱ مرستندوی کارکوونکي وژل شوي دي.

د ایران د بهرنیو چارو وزیر ویلي چې دغه هېواد به د نړۍوالو قوانینو له مخې یو ځل بیا پر اسراییل برید وکړي او دغه اقدام «قطعي او حتمي» دی.

د راپورونو له مخې، د خيبر پښتونخوا په کرمه کې د سپرلۍ موټرو پر یوه کاروان د وسله‌والو د بريد له امله لږ تر لږه ۳۸ کسان وژل شوي او ۱۹ نور ټپیان دي.

د امریکا متحده ایالتونو غزه کې د اوربند په اړه د ملګرو ملتونو امنیت شورا پرېکړه‌لیک وېټو کړی دی.

پاکستاني رسینو ويلي، ناپېژانده وسله‌والو د خیبر پښتونخوا په بنو کې د پولیسو پر یوه پوسته برید کړی او اووه پولیس یې له ځان سره بیولي دي.

د ملګرو ملتونو سرمنشي په بحران‌ځپلو سیمو کې د جګړې پای ته رسولو او سولې ټینګښت لپاره د جدي اقدام پر اهمیت د ټینګار ترڅنګ د جي‌۲۰ له هېوادونو غوښتي چې له اقلیمي بدلون سره د مبارزې برخه کې مالي مرستې وکړي.