احمدصهیب حسرت

سپینه ماڼۍ وايي چې له ۲۰۲۱ کال وروسته چې افغانستان ته کومې بشري مرستې استول کېږي، ګټه یې د افغانستان خلکو ته رسېږي نه د افغانستان سرپرست حکومت ته او دا مرستې په میخانيکي ډول په همدې بڼې تنظیم شوې دي.

په اسلام‌اباد کې افغان سفیر او د کرمې یو شمېر مشرانو او ځوانانو د ډیورنډ کرښې په اوږدو کې د پرتو پښتنو ترمنځ د اړیکو، د تګ راتګ لپاره د نوو لارو د خلاصون او د کرمې د روان وضعیت په اړه خبرې کړې دي.

د کابینې غونډه کې د کرنې او اوبو وزارتونو ته دنده سپارل شوې چې د کرنې برخه کې خلکو ته اسانتیاوې رامنځته کړي او له عام ولس سره پر ښه چلند او د هغوی د ستونزو پر حل ټینګار شوی دی

د کاناډا حکومت د ځینو امنیتي دلایلو له مله له خپلو اتباعو غوښتي چې افغانستان ته له سفر کولو ډډه وکړي خو اسلامي امارت وایي، افغانستان اوس امن دی او په دې اړه اندېښنې بېځایه دي.

د ترانسپورټ او هوایي چلند وزارت وایي، کابل ښار کې د ۴۰ موټرو ترانسپورټي فعالیت د تخنیکي ستونزو د حل په موخه وځنډول شو.

د راپورونو له مخې، د امریکا متحده ایالتونو د تحریم شام د مشر احمد شرع د نیولو پر سر د لس میلیون ډالرو جایزه له هغه سره د لوړپوړي امریکایي پلاوي له لیدنې وروسته لغوه کړې ده.

د جرمني په ختیځ ماګدیبورګ ښار کې یوه کس له ګڼې‌ګوڼې په یوه ډک بازار کې خلک په موټر وهلي چې له امله یې دوه کسان مړه او ۸۶ نور ټپيان شوي دي.

د بهرنیو چارو وزارت سیاسي مرستیال د افغانستان لپاره د بریتانیا له شارژدافیر سره ليدنه کې پر دوه اړخیزو اړیکو، په اروپا کې د افغانانو لپاره د قونسلي خدمتونو د بیا ځلې انسجام او پیلېدو د عملي هڅو په اړه خبرې کړې دي.

کابل کې د ښاروالۍ له لوري په ۶۵۰۰ زره افغانۍ د یو ټن ډبرو سکرو پلور په داسې حال کې پیل شو چې نن په بازار کې په اوسط ډول یو ټن د ډبرو سکاره په ۱۲۵۰۰ افغانۍ پلورل کېږي.

د افغانستان او ترکمستان بهرنیو چارو وزیرانو د ټاپي نل‌لیکې له چارو لیدنه کړې او ترڅنګ یې د دې پروژې کارونو د چټکتیا او د ویزې او ترانسپورټي برخو کې د اسانتیاوو رامنځته کېدو په اړه هم خبرې کړې دي.

د چارو اداره وايي چې د اسلامي امارت د مشرتابه له هدایت سره سم یې په هېواد کې د ناسمو دودونو د مخنیوي او اصلاح په موخه یوه کړنلاره تصویب کړې او هیله یې څرګنده کړې چې په پلې کېدو سره به یې په ټولنه کې اصلاح رامنځته شي.

باوري سرچینې وایي چې په طبي انسټیټیوټونو کې د نجونو زده‌کړې ځنډول شوې، خو بېرته یوازې د وروستیو ازموینو ورکولو اجازه ورکړل شوې ده؛ اسلامي امارت تر اوسه په دې اړه څه نه دي ویلي.