احمدصهیب حسرت

د بهرنیو چارو وزارت سرپرست په کابل کې د ایران له سفیر سره په لیدنه کې ویلي، هغو ایراني حاجیانو ته چې له سعودي د افغانستان له لارې خپل هېواد ته ځي، تر یوې میاشتې د ویزې معافیت ورکړل شوی او په هرات کې یې ادارو ته سپارښتنه کړې د هغوی د خوندي لېږد لپاره لازم تدابیر ونیسي.

د افغانستان لپاره د ناروې شارژدافیر د بهرنیو چارو وزارت له سرپرست سره په لیدنه کې ویلي، په نږدې راتلونکي کې به د دواړو هېوادونو د اړیکو ارزولو په موخه د دغه هېواد یو پلاوی کابل ته راشي.

د کرنې، اوبولګولو او مالدارۍ وزارت وایي، د دغه وزارت مرستیال په کابل کې د چین سفارت له استازو سره په لیدنه کې په کابل او بلخ ولایتونو کې د مېوو د درېیو سړو خونو پر جوړولو هوکړه کړې ده.

د راپورونو له مخې، ایران او اسرائیلو تېره شپه یو ځل بیا پر یوه او بل بریدونه کړي، قطر او برېتانیا د تاوتریخوالي کمېدو پر اړتیا ټينګار کړی او د جګړې یو شمېر مخالفو فعالانو د امریکا د سپینې ماڼۍ مخې ته او لاس‌انجلس ښار کې احتجاجونه کړي دي.

د راپورونو له مخې، د ملګرو ملتونو امنیت شورا سبا په سیمه کې د روان کړکېچ په اړه بله بېړنۍ غونډه کوي.

د ترانسپورټ او هوایي چلند وزارت سرپرست په کابل کې د ترکمنستان له سفیر سره په لیدنه کې د دوه اړخیزو ترانسپورټي اړیکو پر پیاوړتیا او افغان موټرچلوونکو ته د ویزو ورکولو برخه کې پر اسانتياوو خبرې کړې دي.

د راپورونو له مخې، ایران د امنیت شورا غونډه کې امریکا د اسرائیل په بریدونو کې شریکه بللې، ایران هم پر اسرائیل بریدونه کړي او د روسیې ولسمشر د اسرائیل بریدونه غندلي او د دواړو خواوو ترمنځ یې منځګړیتوب ته چمتووالی ښودلی دی.

د بهرنیو چارو وزارت سرپرست د یوناما له مشرې غوښتي چې په خپلو راپورونو کې پر واقعیتونو تمرکز وکړي او زیاته کړې یې ده چې په اروپا کې د مېشتو افغانانو ستونزو ته د رسېدنې لپاره دې د افغان حکومت لاسرسی ممکن شي.

کابل (پژواک، ۱۵ غبرګولی ۱۴۰۴): د امریکا متحده ایالتونو د وېټو له حقه په استفادې د ملګرو ملتونو امنیت شورا پرېکړه‌لیک چې په غزه کې

د مالیې وزارت وایي، د دغه وزارت معین د یوناما له مشرې سره، په افغانستان کي د کوچنیو مالي تمویلونو سکټور پر ودې، د بهرنیو بشري مرستو د پر ځای لګولو او پراختیایي پروژو پر تمویل خبرې کړې دي.

د اسلامي امارت مشرتابه په خپل اختریز پیغام کې د فلسطین له خلکو ملاتړ څرګند کړی او له امیر څخه پر اطاعت، یووالي او د خلکو حقونو پر ساتنه د ټینګار ترڅنګ یې له مسوولینو غوښتي چې د خلکو شکایتونه واوري او د سوداګرو او صنعتکارانو لا ډېر ملاتړ وکړي.

د راپورونو له مخې، د متحده ایالتونو د کلوراډو ایالت په بولډر ښار کې پر یوې غونډې د برید پایله کې شپږ کسان ټپیان شوي او شکمن کس نیول شوی دی.