احمد صهيب حسرت

د بهرنیو چارو وزارت وايي، سبا په کابل کې د ګاونډیو او سېمه‌ییزو هېوادونو د ځانګړو استازو او سفیرانو په ګډون «د افغانستان د سېمه‌ییزې همکارۍ ابتکار» غونډه جوړیږي.

د خوړولو او درملو ملي اداره وایي، په بلخ ولایت کې یې دوه ټانکره او ۴۷۰ بېلره بې‌کیفیته غوړي کشف او ضبط کړي دي.

بدخشان کې لوېدلې الوتکه یوه روسي سوداګر خپلې ناروغې مېرمنې ته – چې د درملنې لپاره یې روسیې ته لېږدوله، چارتر کړې وه خو د لوېدو پېښه کې یې دواړو مړه شوي او د ویلو ده چې دغه سوداګر ته پوتین د ښه کار جایزه هم ورکړې وه.

د افغانستان د ترانسپورټ او هوایي چلند وزارت وایي، لومړني معلومات ښیي چې یوه روسۍ الوتکه چې له هند څخه د تاشکند په موخه الوتې وه، احتمالاً د بدخشان د زیباک او کران او منجان ولسوالیو کې لوېدلې وي.

افغانستان کې د ملګرو ملتونو د بشري او پرمختیایي چارو نوي مسؤول د بهرنیو چارو له سرپرست سره په لیدنه کې ویلي چې هوډ لري په بشري او پرمختيايي ډګر کې د افغانانو د لاسنيوي لپاره لا ډېر کار وکړي.

کابینې د سالنګ لارې د موټرچلوونکو شکایتونو په اړه د پژواک راپور له خپرېدو وروسته، ټولګټو وزارت ته دنده سپارلې چې د دې لارې باروړونکو موټرو ستونزو ته رسېدنه وکړي او د حل مناسبه لاره ورته ولټوي.

افغانستان کې د تېر کال مرغومي میاشتې په پرتله د لومړنیو خوراکي او سون‌توکو بیې په داسې حال کې په منځنۍ کچه ۱۳ سلنه رالوېدلې چې د ډالر پر وړاندې د افغانۍ بیه ۲۱ سلنه لوړه شوې او په نړۍوال مارکېټ کې هم د یادو توکو بیې په منځنۍ کچه ۱۴ سلنه رالوېدلې دي.

د کورنیو چارو وزارت وايي، هغه کس چې چاودېدونکي توکي يې پر ځان تړلي وو او غوښتل یې د نیمروز ولایت مقام کې چاودنه وکړي، خپلې موخې ته له رسېدو مخکې وپېژندل شو او له منځه یووړل شو.

د بهرنیو چارو سرپرست وزیر په کابل کې د ایران له سفیر سره په دغه هېواد کې د افغان کډوالو ستونزو او د دوه اړخیزو سیاسي او اقتصادي همکاریو په اړه خبرې کړې دي.

د کورنیو چارو وزارت وایي، د یوه سوادګر له لورې د پکتیا ولایت په شواک ولسوالۍ کې د ۱۵ میلیون افغانیو په لګښت یو جامع جومات جوړ شو.

د افغانستان لپاره د پاکستان ځانګړی استازی وایي، د امریکا متحده ایالتونو د بهرنیو چارو وزارت له مرستیالې سره یې د افغان کډوالو په اړه خبرې کړې دي.

په کابل کې د چین سفیر د صنعت او سوادګرۍ سرپرست سره په لیدنه کې ویلي، چیني شرکتونه غواړي افغانستان کې د وچو مېوو پروسس په برخه کې پانګونه وکړي.