احمد صهیب حسرت

ستره محکمه وایي، په کابل ولایت کې د دوو ښځو په ګډون څلورو کسانو ته تعزیزي سزا ورکړل شوه.

د اطلاعاتو او فرهنګ وزارت مسوولینو د وزارتونو او مرکزي ادارو له ویاندویانو سره د همغږۍ په غونډه کې، له رسنیو د معلوماتو پر شریکولو ټېینګار کړی دی.

د یوناما مشرې د اطلاعاتو او فرهنګ وزارت له سرپرست سره په ليدنه کې د افغانستان د فرهنګي میراثونو د ساتنې برخه کې د همکاری ډاډ ورکړی دی.

د پاکستان د بهرنیو چارو وزیر اسحاق ډار نیویارک کې د اسلامي همکاریو سازمان غونډه کې ویلي چې د افغانستان کنګل شوې شتمنې دې ازاده او د منځنۍ اسیا او پاکستان ترمنځ پروژې دې د افغانستان له لارې پلې شي.

د کابینې په غونډه کې د امارتي شرکتونو لوی ریاست ته دنده سپارل شوې چې د برېښنا رسونې بهیر چټکتیا لپاره کار وکړي او په دې اړه لازم اقدامات ترسره کړي.

د بهرنیو چارو سرپرست وزیر د اسلامي همکاریو سازمان له مرستیال سره په لېدنه کې ویلي، بهرني اړخونه باید د رسنيو له خوا د افغانستان د وړاندې کيدونکي تصوير پر ځای ځمکني واقعيتونه په خپلو سترګو وګوري.

سیمه‌ییز مسوولین وایي چې په کاپیسا کې له ۱۱۹۵ کورنیو سره د خوراکي توکو او بغلان کې له ۸۰ کارګرو ماشومانو سره د ژمنیو توکو مرسته وشوه.

د راپورونو له مخې، په اتریش کې یوه کس پر خلکو د چاقو برید کړی چې له امله یې یو تن وژل شوی، څلور نور ټپیان دي او د پېښې په تړاو یو تن نیول شوی دی.

د افغانستان د کډوالو او راستنېدونکو چارو وزارت وايي چې ۲۰ نور افغانان د پاکستان له زندانونو خوشي او هېواد ته راستانه شوي دي.

د افغانستان د بهرنیو چارو وزارت وایي، په قاهره کې د افغان سفارت په هڅو د مصر، مراکش، لیبیا، سوډان او موریتانیا له هېوادونو ۱۷ افغان بندیان را خوشي او هېواد ته را ولېږدول شول.

د راپورنو له مخې، د جرمني په مونیخ ښار کې پر راټولو شویو خلکو د موټر خېژولو پېښه کې د ښځو او ماشومانو په ګډون ٢٨ تنه ټپيان شوي او پولیسو یې په تړاو یو افغان نیولی دی.

د اطلاعاتو او فرهنګ وزارت سرپرست د ناروې له شارژدافیر سره په لېدنه کې ویلي، د فرهنګي میراثونوساتنه یوازې د افغانانو دنده نه؛ بلکي دا د ټولي نړۍ دنده ده چې په دې برخه کې له افغانستان سره همکاري وکړي.