احمد صهیب حسرت

د اوبو او برېښنا وزارت سرپرست د مس‌عینک کان قراردادي شرکت له مسوولینو سره په لیدنه کې ویلي، د دې پروژې د چټکټیا په موخه اړتیا ده چې د اوبو او برېښنا، کانونو، اطلاعاتو او فرهنګ وزارتونو او د قراردادي شرکت د استازو یوه ګډه کمېټه جوړه شي.

د کابل ښاروالۍ وایي، د ښاري نظم او په شفاف ډول د عوایدو ټولولو په موخه د ښار په بېلابېلو ناحیو کې بلبورډونه او ګرځنده پلورونکي په یوه برېښنایي سیسټم کې ثبتېږي.

د افغانستان بهرنیو چارو وزارت په غزه کې له اوربند سره د متحده ایالتونو مخالفت غندلی او ویلي یې دي چې دغه هېواد بشري حقونه د سیاسي وسیلې په توګه کاروي.

کابینې یوه پلاوی ته دنده سپارلې څو د سرطاني او زړه ناروغیو د تشخیص او درملنې په موخه د معیاري طبي کمپلکس جوړولو لپاره د ځمکې د تشخیص چارې ترسره کړي.

د اوبو او برېښنا وزارت سرپرست وایي، د ګلبهار – پنجشېر اوبو بند د بودجې د تمویل لپاره هڅې روانې دي او د جوړولو چارې به یې په راتلونکي کې پیل شي.

د راستنېدونکو کډوالو ستونزو ته د رسېدنې کمېسیون، راستنېدونکو سوداګرو او پانګوالو ته د ځمکو د وېش په لټه کې دی او د هغوی لپاره یې ځینې تشویقي مالیاتي موارد په پام کې نیولي دي.

کابینې د پوهنتونونو او ښوونځیو د نصاب جوړولو په اړه ګمارل شوې کمېټې ته دنده سپارلې چې د نوو نصابونو جوړولو چارې ګړندۍ کړي او د نرخونو کنټرول له کمېسیون څخه یې هم غوښتي چې د افغانۍ ارزښت لوړوالي ته په کتو د بیو کنټرول په اړه لازم اقدامات وکړي.

د امریکا د بهرنیو چارو وزارت د ترهګرۍ په اړه کلنی راپور ښیي چې د القاعده ډلې عناصر، داعش او پر سیمه «متمرکزې ترهګرې ډلې» لا هم افغانستان کې فعالې دي، خو ا.ا دغه راپور ردوي او وایي، تېرو دوو کلونو کې له افغانستانه هیڅ هېواد ته ګواښ نه دی پېښ شوی.

د افغانستان اوسپنې پټلۍ اداره وايي، له ترکمنستان سره د انتقالاتو د زیاتېدو، د سوداګرو د ستونزو حل او د لا ښې همغږۍ په موخه د دواړه هېوادونو اوسپنې پټلۍ له مسوولینو څخه یو ګډه کمېټه جوړېږي.

د کور او ښار جوړونې سرپرست وزارت په کابل کې د چین له سفیر سره لیدنه کې ترې غوښتي چې د «نوي کابل ښار» پروژه کې پانګونه وکړي او نور چیني پانګوال هم په دې برخه کې پانګونې ته وهڅوي.

د افغانستان اوسپنې پټلۍ اداره وایي، ترکمنستان د اوسپنې پټلۍ په برخه کې د نورو افغان محصلینو روزنې او په دې برخه کې د پانګونې لپاره چمتووالی ښودلی دی.

د ریاست‌الوزرا اداري مرستیال د ملګرو ملتونو له ځانګړې استازې سره په لیدنه کې ویلي، د افغانستان په تړاو چې هره غونډه جوړېږي باید د افغان حکومت استازو ته په کې د ګډون بلنه ورکړل شي.