کابل (پژواک) – د چین دولتي رسنیو راپور ورکړی چې د دغه هېواد په شمال کې د استوګنې په یوه ودانۍ کې د اورلګېدنې له امله لږ تر لږه ۱۴ کسان مړه شوي دي.
د رویټرز د راپور له مخې، دغه پېښه د یکشنبې ورځ (د نومبر ۸مه) د چین په شمال کې د شانشي ولایت په مرکزي تاییوان ښار کې د استوګنې په یوه ودانۍ کې رامنځته شوې ده.
د چین دولتي خبري اژانس شینهوا د دوشنبې ورځ (د نومبر ۹مه) ویلي چې په دې اورلګېدنه کې څوارلسو کسانو ژوند له لاسه ورکړی دی.
تر اوسه د اورلګېدنې د لامل، د ټپیانو د شمېر او د اوښتو مالي زیانونو په اړه جزئیات نه دي خپاره شوي.
