فرید تنها

د پروان ولایت یو شمېر مالداران د څارویو یو ډول ویروس خپرېدو په اړه چې د دوی د څارویو د له منځه تلو لامل شوی، اندېښمن دي او له چارواکو یې د پاملرنې غوښتنه کړې ده.

د کاپیسا ولایت د تګاب ۲۰ بستریز روغتون، ۵۰ بسترونو ته ارتقا وکړه او نن د یو لړ مراسمو په ترڅ کې د ۵۰ بستریز روغتون په توګه یې کار پیل کړ.

د پروان امنیه قومانداني وایي، د دغه ولایت د جبل‌السراج ولسوالۍ امنیتي کسان د کمین لپاره یوې سیمې ته روان وو چې د لویې لارې امنیتي کسانو له کمین سره مخ شوي او د نه همغږۍ له امله دوو کسانو په کې خپل ژوند له لاسه ورکړ.

د پروان سيمه ييز چارواکي وايي، په دغه ولايت کې د يوې ترافيکي پېښې له امله دوه کسان مړه او يو بل ټپي شوى دى.

د کاپیسا په مرکز کې د ۳۵ میلیون افغانیو په لګښت یو سوداګریز مارکېټ جوړ او ګټې اخيستنې ته وسپارل شو.

د سالنګ لویې لارې د ساتنې او مراقبت مسوولین وايي، پر دغې لارې د یوې ترافیکي پېښې له امله یو کس مړ او بل ټپي شوی دی.

د پروان ولایت امنیه قومانداني، د دغه ولایت په بګرام ولسوالۍ کې د انسان‌تښتونې او وسله‌و‌الو غلاوو په تور د څلورو کسانو له نیولو خبر ورکوي.

د کاپیسا چارواکي وایي، د دغه ولایت په نجراب او اله‌سای ولسوالیو کې د جلغوزې حاصلات د تېر کال په پرتله، ۲۰ سلنه زیات شوي او بزګرانو له دغې وچې مېوې ښه عواید ترلاسه کړي دي.

په کاپيسا ولايت کې د څلور ميليونه افغانيو په لګښت د شيدو راټولولو او د لبنياتو د پروسس يو مرکز – چې هره ورځ د ٢٤٠زره ليتر شيدو د راټولولو او پروسس وړتيا لري – پرانيستل شو.

د پروان، کاپیسا او د کابل په کوهدامن ولسوالیو کې د انګورو بڼوال د اندېښنې په څرګندولو سره وايي، وروستیو اورښتونو د دوی د انګورو ۴۰ تر ۵۰ سلنه حاصلات له منځه وړي دي.

د پروان امنیه قومانداني وایي، د دغه ولایت په بګرام ولسوالۍ کې د یوه «رواني ناروغ» په ډزو کې دوو کسانو – چې یو یې امنیتي کس و- ژوند بایللی او دوه نور امنیتي کسان ټپیان شوي دي.

موټرچلوونکي او مسافر د سالنګونو د لویې لارې له خرابوالي شکایت کوي او له حکومته غواړي چې د بیارغولو په برخه کې یې اقدام وکړي؛ ځکه اوس پر دغه لار تلل د پخوا په پرتله څو ساعته ډېر وخت نیسي.