خان ولی احمدزی

د لوګر د امر بالمعروف او نهي عن‌المنکر ریاست مسوولین وایي چې د دغه ولایت په مرکز پل‌علم او ولسوالیو کې د ښځو څه باندې سلو شکایتونو ته رسېدنه شوې او د جبري نکاح پنځو مواردو مخنیوی شوی دی.

سیمه‌ییز مسوولین وايي چې د څه باندې ۳۰ میلیون افغانیو په ارزښت د لوګر ولایت د لوړو زده‌کړو موسسې اړوند د درېیو رغنیزو پروژو او د غزني ولایت مقر ولسوالۍ کې د څښاک پاکو اوبو رسولو یوې شبکې چارې پیل شوې.

د لوګر ولایت د بدني روزنې او ورزش امریت وایي چې د دغه ولایت په کچه د ۳۳ غوره لوبډلو ترمنځ د رمضان جام په نوم د والیبال سیالۍ چې شاوخوا یوه نیمه میاشت مخکې پیل شوې وې، د «لوګر اتلان» لوبډلې په اتلولۍ پای ته ورسېدې.

لوګر ولایت امنیه قومانداني وايي چې د دغه ولایت کشفي او امنیتي ځواکونو په مرکز پل‌علم کې دوه کسان د نشه‌یي توکو د قاچاق او پلور په تور نیولي دي.

د لوګر اطلاعاتو او فرهنګ ریاست له لوري د دغه ولایت په مرکز پل‌علم کې د زر تنو ځوانانو ترمنځ د امام ابوحنیفه (رح) د پېژندنې په اړه علمي سیالۍ تر سره شوې.

د لوګر ولایت په مرکز کې د ۶۴ لوبغاړو ترمنځ د سوک‌وهنې یو ورځنۍ سیالۍ ترسره شوې.

د لوګر ولایت د عامې روغتیا ریاست وایي، د دغه ولایت په محمدآغې ولسوالۍ کې د ۳۲ میلیون افغانیو په لګښټ یوه روغتیایي مرکز ته ودانۍ جوړه او ګټې اخیستنې ته وسپارل شوه.

د لوګر بدنې روزنې او ورزش امریت وایي چې د سوک‌وهنې فدارسیون له لوري په مرکز پل‌علم کې د درېیو ولایتونو د ۴۰ ورزشکارانو ترمنځ د سوک‌وهنې سیالۍ ترسره شوې.

د لوګر سیمه‌ییز مسوولین وایي چې د مخابراتو او معلوماتي ټکنالوژۍ وزارت له لوري تازه پل‌علم کې د استوګنې کورونو ته د نوري فایبر انټرنېټ د ليږد پروژه منظور شوې او ډير ژر به یې عملي بهیر پيل شي.

د لوګر د پوهنې ریاست وایي چې سږ کال د دغه ولایت سوداګرو، شتمنو او عامو خکو د پوهنې له برخې سره د پنځه میلیون افغانیو په ارزښت مرسته کړې ده.

په لوګر ولایت کې د شاوخوا دوه سوه میلیونه افغانیو په لګښت د پوهنې اړوند ۱۹ رغنیزې پروژې بشپړې او ګټې اخېستنې ته وسپارل شوې.

د لوګر امنیه قومانداني وایي چې د دغه ولایت په محمداغې ولسوالۍ کې د غلو یوه شپږکسیزه ډله نیول شوې ده.