خواجه نصیراحمد صدیقی

کابل کې د ترافیک پولیسو عمومي ریاست وايي چې د اسلامي امارت د مشرتابه د فرمان پر اساس، د نقلیه وسایطو د باقي‌دارۍ معافیت اوس هم پر خپل ځای دی.

د ا.ا د بهرنیو چارو وزارت سرپرست د عمان د سلطان د دفتر له وزیر، د سوداګرۍ او پانګونې خونې له مشرانو او د اوقافو او دیني چارو له وزیر سره لیدنو کې پر اقتصادي مسایلو، د دواړو هېوادونو ترمنځ د مستقیمو الوتنو پر پیلېدو او په دغه هېواد کې د مېشتو افغانانو پر ستونزو خبرې کړې دي.

د روسیې ولسمشر وايي چې له اوکراین سره د جګړې درولو له وړاندیزونو سره موافق دی، خو هېواد یې د دې فرضیې پر اساس پر مخ ځي چې اوربند باید دوامداره سولې ته لار هواره کړي او د ناورین اصلي لاملونه له‌منځه یوسي.

په کابل کې د ایران سفیر د اوبو او برېښنا وزارت له سرپرست سره په لیدنه کې ویلي، هېواد یې هوډ لري څو د اوبو او برېښنا پرمختیایي پروژو پلې کېدو برخه کې له افغانستان سره همکاري وکړي.

د طبیعي پېښو پر وړاندې د چمتووالي ملي ادارې له یوې مؤسسې سره د څه باندې ۲.۳ میلیون امریکایي ډالرو په ارزښت د ګډې همکارۍ درې هوکړه‌لیکونه لاسلیک کړل.

د ملي دفاع وزارت د کابل ښار لسمې امنیتي حوزې مربوطاتو کې د یو شمېر وسلو او مهماتو د کشف او ترلاسه کولو خبر ورکړی او ویلي یې دي چې په تړاو یې یو شکمن کس هم نیول شوی دی.

د انګلیستان د کرکټ بورډ رییس د اتلانو جام (چمپینز ټرافي) کې له افغانستان سره د لوبې لغوه کولو غوښتنې رد کړې دي.

د ایران د پلازمېنې تهران لویې څارنوالۍ ویلي چې په تهران کې نږدې درې زره او ۷۰۰ زیانمن ماشومان پېژندل شوي چې ۸۲ سلنه یې د نورو هېوادونو دي.

د بهرنیو چارو وزارت درېیم سیاسي رییس وایي چې د ترکيې په پلازمېنه انقره کې د افغانستان سفارت د معمول په څېر خپل فعاليت ته دوام ورکوي.

د ملګرو ملتونو د ماشومانو د ملاتړ صندوق (یونیسف) وایي، د پکتیکا په برمل ولسوالۍ کې د پاکستان په هوایي بریدونو کې لږ تر لږه ۲۰ ماشومانو خپل ژوند له لاسه ورکړی دی.

د ترکیې د ترانسپورټ وزارت ویلي، د دغه هېواد د بشردوستانه مرستو یوویشتمه جوپه چې تر اووه سوه ټنه ‌ډېر خوراکي او غیرخوراکي توکي پکې شامل دي، افغانستان ته واستول شوه.

د افغانستان د عدلیې وزارت وايي، د ځمکو د غصب مخنیوي کمېسیون په تېره یوه میاشت کې په شپږو ولایتونو کې څه باندې ۲۰ زره جریب غصب شوې ځمکه راګرځولې ده.