رقیبه پویا عزیز

د جوزجان د امنیې قوماندانۍ مسوولین وايي چې د شبرغان – سرپل پر لویه لار د یوې ترافیکي پېښې له امله یو کس مړ شوی او لس نور ټپیان شوي دي.

جوزجان کې ځینې انځورګرې نجونې له مسوولینو غواړي چې د هنري، په ځانکړې توګه د انځورګرۍ نندارتونونو په جوړولو سره د دوی ملاتړ وکړي.

د جوزجان امنیه قومانداني وايي، د جوزجان – بلخ پر لویه لار د ترافیکي پېښې له امله پنځه کسان ټپیان شوي دي.

جوزجان کې یو شمېر کسان چې د ورېښم چینجیو پر روزنه بوخت دي، له حکومت او مرستندویه موسسو غواړي چې ملاتړ یې وکړي څو کاروبار یې لا وغوړېږي.

جوزجان کې ځینې کوژدن ځوانان د نجلۍ کور ته د اختري وړلو په څېر ناسم دودونه ملا ماتوونکي بولي او د مخنیوي غوښتنه یې کوي.

د جوزجان امنیه قومانداني وايي چې د شبرغان – مزارشریف پر لویه لار د ترافیکي پېښې له امله ۳ کسان مړه او ۴ نور ټپیان شوي دي.

سرچینې د کابل – غور لویې لارې له پرانیستل کېدو او د جوزجان اقچې ولسوالۍ په کوهستاناتو کې په واروه کې د ایسار شوو ۱۳ مسافرو له ژغورل کېدو خبر ورکوي.

د جوزجان ځایي مسوولینو تېرو دوو کلونو کې د دغه ولایت په مرکز او ولسوالیو کې د ۲۲ ښوونځيو لپاره د نوو ودانیو جوړېدو خبر ورکړی خو وایي، لا هم د دغه ولایت ۱۲۰ ښوونځي ودانۍ نه لري.

د جوزجان د کډوالو او بېرته راستنېدونکو چارو ریاست وايي چې په دغه ولایت کې ۹۰ داخلي بې‌ځایه شوو کورنیو ته سرپناوې جوړې شوې دي.

په جوزجان کې یوې مېرمنې د لاسي صنایعو او سنیو اوبدولو دوو کارخونو په جوړولو سره د دغه ولایت ۱۷۰ کونډو او بې‌وزله مېرمنو ته د کار زمینه برابره کړې ده.

د جوزجان سیمه‌ییزې سرچینې د دغه ولایت په مریادن ولسوالۍ کې د یوه روغتیايي کلینیک له جوړېدو خبر ورکوي؛ بلخوا، د دې ولسوالۍ یو شمېر اوسېدونکي وايي چې مخکې یې د معیاري روغتیايي مرکز نشتون له امله خپل ناروغان د دغه ولایت مرکز ته لېږدول.

د جوزجان په مرکز شبرغان ښار کې د لاسي توکو یو شمېر ښځینه پلورونکې د خپلو توکو پلورلو لپاره د مناسب ځای له نشتوالي شکایت کوي، خو د شبرغان ښاروالي وايي، هڅه کوي څو دغو ښځو ته مناسب او وړیا ځای پیدا کړي.