<p style="text-align: justify;">شبرغان (پژواک، ۱۶ لېندۍ ۱۴۰۴): په جوزجان کې امنیتي سرچینې وايي چې په دغه ولایت کې یو کس د خپلې خور د وژلو په تور نیول شوی دی.</p>
<p style="text-align: justify;">د دغه ولایت د اقچې ولسوالۍ د پنځمې حوزې امر قاري شاهمحمد احمدي پژواک خبري اژانس ته وویل چې دغه کس د چرهيي ټوپک په وسیله خپله خور وژلې وه.</p>
<p style="text-align: justify;">هغه زیاته کړه: «د پنځمې حوزې امنیتي مسوولینو سملاسي اقدام وکړ او له یو ساعت وروسته یې کس ونیو.»</p>
<p style="text-align: justify;">د سرچینې د معلوماتو له مخې، د نیول شوي کس لومړنۍ دوسیه د نورو څېړنو لپاره عدلي او قضايي بنسټونو ته سپارل شوې ده.</p>
<p style="text-align: justify;">سرچینې څرګنده کړه، لومړنۍ څېړنې ښیي چې د دې پېښې انګېزه ناموسي مسایل دي.</p>
<p style="text-align: justify;"></p>
