عبدالرحمن روستا

د بامیان په یکه‌ولنګ ولسوالۍ کې د څه‌کم ۱۳ میلیونه افغانیو په لګښت د څښاک اوبو یوې شبکې او یوه ښوونیز مرکز ودانی د جوړېدو چارې بشپړې او ګټې اخیستنې ته وسپارل شوې.

بامیان کې ځايي مسوولین وايي، دغه ولایت ته د تفریحي او لرغونو ځایونو لیدو په موخه ۲۲ بهرني ګرځندویان ورغلي چې د استوګنې او ترانسپورټ برخو کې ټولې اسانتیاوې ورته برابرې شوې دي.

د بامیان والي مولوي عبدالله سرحدي د افغانستان په چارو کې د ایران سفارت له مرستیال سره په لیدنه کې په روغتیایي برخو کې د همکاریو په اړه او د دواړو هېوادونو ترمنځ د اړیکو پر ټینګښت خبرې کړې دي.

۴۵ کلنه مهتاب چې اووه ماشومان یې په کور کې زېږېدلي او تر اوسه د زېږون لپاره کوم روغتيايي مرکز ته نه ده بېول شوې، وايي چې د خاوند د کورنۍ له لوري د محدویت او ناسم باورونو له امله د امېدوارۍ پر مهال له روغتیايي پاملرنې بې برخې وه.

د کاپیسا په تګاب او د بامیان په مرکز کې دوو ځوانانو ځان‌وژنه کړې ده.

د بامیان یو شمېر خلک او کارپوهان د ډبرو سکرو د ډېرې استفادې د منفي اغیزو له امله اندېښمن دي او وايي، د ډبروسکرو پروسس او کارول د تنفسي ناروغیو ډېرېدو او د چاپېریال ککړتیا لامل شوي دي.

بامیان کې سیمه‌ییز مسوولین وايي چې په دغه ولایت کې د څه باندې ۱۴ میلیون افغانیو په لګښت د شپږو چک‌‌ډیمونو جوړولو چارې پیل شوې دي.‎

ځایي مسوولین وايي، د اوبو رسونې شپږ پروژې سمنګان کې او یوه ‎په بامیان کې ګټې اخیستنې ته وسپارل شوې او لسګونه کورنیو د څښاک اوبو ته لاسرسی پیدا کړ‎.

بامیان کې سیمه‌ییز مسوولین وايي چې دغه ولایت کې د ۳۲ میلیون افغانیو په لګښت سلګونه کیلومتر سړکونه او د اوبو کرنیز کانالونه ورغول او ګټې اخیستنې ته وسپارل شول.

د بامیان والي د دغه ولایت د اوسېدونکو له لوري د هرات زلزله‌ځپلو لپاره د څه باندې دوه میلیون افغانیو له راټولېدو خبر ورکوي.

د ښځو په چارو کې د ملګرو ملتونو استازې د بامیان له والي سره په لیدنه کې د سوداګرو ښځو پر ملاتړ ټينګار کړی او ویلي یې دي چې د بامیاني ښځو د تولیداتو لپاره له افغانستانه بهر د بازار موندنې هڅه کوو.

د بامیان د انتاني روغتون مسوولین وايي چې د ژمي په رارسېدو سره په دغه ولایت کې موسمي ناروغۍ د پام وړ ډېرې شوې دي، خو ناروغ لرونکي په روغتیايي مرکزونو کې د لا ډېرو امکاناتو غوښتنه کوي.