غلام سخي فروتن

د کندهار په پنجوایي ولسوالۍ کې یوه ځوان او د سرپل په ګوسفندې ولسوالۍ کې یوې ښځې ځان وژنه کړې ده.

مسوولین وایي چې فاریاب او سرپل کې د اوبو رسونې پنځو شبکو او د یوه چوک جوړولو چارې بشپړې او دغو ولایتونو کې د شپږو چک‌ډيمونو او یوه چوک جوړولو چارې پیل شوې.

ځایي سرچینې وايي چې د بلخ په مرکز مزارشریف ښار کې سلګونه لېتر الکولي مشروبات کشف او ضبط شوي او بلخوا سرپل کې د ۷۵۰ کیلوګرامه کاسټیک د قاچاق مخنیوی شوی او د دواړو پېښو په تړاو څلور کسان نیول شوي دي.

سرپل (پژواک، ۷ لېندۍ ۱۴۰۲): په سرپل ولايت کې د امو نفتي حوزه کې له ۸ نورو څاګانو څخه د نفتو د استخراج چارې پیل شوې.

سرپل ولایت کې د کار او ټولنیزو چارو ریاست مسوولین وايي چې په تېرو اوو میاشتو کې ۱۸۷ ماشومان او تنکي ځوانان چې له ایرانه رااړول شوي د انګلیستان د «وارچیلد» دفتر له لوري له حکومت سره په همغږۍ خپلو خپلوانو ته سپارل شوي دي.

ځايي مسوولین وايي، د وسایطو له حده ډېر بارولو د مخنیوي په موخه د جوزجان – سرپل پر لویه لار د باروړونکو موټرو د وزن د کنټرول تله فعاله شوه.

د سرپل والي محمدیعقوب عبدالرحمن اکه د دغه ولایت د قشقري له نفتي څاګانو د لیدنې پر مهال ویلي چې د دغو څاګانو استخراج په ورځ کې له ۶۵۰ څخه ۹۰۰ ټنو ته لوړ شوی دی.

امنیتي سرچینې وایي چې سرپل ښار کې له سړکه د یوه موټر وتلو او چپه کېدو له امله یو کس مړ او دوه نور ټپیان شوي دي.

امنیتي چارواکي وایي چې یو کس په غور کې د وښو پر سر شخړه او یو ماشوم سرپل کې د یوې سرګلولې چاودنه کې وژل شوي دي.

سرپل کې امنیتي سرچینې وايي چې نامعلومو وسله‌والو په دغه ولایت کې یو کس په ډزو وژلی دی.

سرپل کې مسوولین وايي، په دغه ولایت کې شاوخوا ۲۰ زره ماشومان پر درنو او نورو کارونو بوخت دي، خو دغه ماشومان بیا وايي چې دغو کارونو ته يې د بې‌وزلۍ له امله مخه کړې ده.

د سرپل کرنې ریاست مسوولین وایي، په دغه ولایت کې له سل زره جریب ډېره غصب شوې دولتي ځمکه له غاصبینو بېرته راګرځول شوې ده.