اسلامي امارت

د افغانستان بهرنیو چارو وزارت د بلوچستان د مرکز کوېټې ښار د رېل‌ګاډي په یوه تمځای کې نننۍ چادونه وغندله.

د ریاست‌الوزراء سیاسي مرستیال وايي چې اسلامي امارت خلکو ته د تکلیف رسولو نه، بلکې هغوی ته د اسانتیاوو برابرولو او د هغوی د ستونزو حل لپاره هڅې کوي.

کورنیو چارو وزارت ته امنیتي سلاکار، پروان ولایت ته والي او مرستیال، دغه راز تخار، سرپل او غور ولایتونو ته نوي مرستیالان وټاکل شول.

په چین کې د افغانستان سفیر وایي، اسلامي امارت د اقتصادمحوره پالیسي په درلودو سره دې ته لومړیتوب ورکوي چې تر ټولو مخکې له خپلو ګاونډیو هېوادونو سره په اقتصادي لحاظ له بېلابېلو لارو په تلپاتې توګه وصل شي.

د ریاست‌الوزراء سیاسي مرستیال وايي چې د اسلامي امارت لومړنۍ موخې ترلاسه شوې او اوس له ګاوڼدیو، سیمې او نړۍ سره د اسلامي امارت اړیکې په ښه حالت کې دي.

د افغانستان لپاره د بریټانیا سفارت شارژدافېر ویلي، لندن له اسلامي امارت سره د خبرو د دوام پلوی دی او «د بریټانیا حکومت په خپل هېواد کې د اسلامي امارت مخالفینو ته د فعالیت اجازه نه ورکوي.»

د افغانستان بهرنیو چارو وزارت د ترکیې په پلازمینه انقره ښار کې د هوایي صنایعو پر یوه شرکت برید غندلی او هیله یې څرګند کړې چې د ترکیې خلک او دولت بیا له ورته پېښو سره مخ نه شي.

د افغانستان ریاست‌الوزراء د ایران او پاکستان پر ګډه پوله د یو شمېر افغان کډوالو مرګ ژوبلې راپورونو په اړه د پلټنو لپاره پلاوی وتاکه.

د ریاست‌الوزراء سیاسي مرستیال وايي، اسلامي امارت د سوداګرو هر ډول ملاتړ کوي او د ستونزو د حل لپاره یې په هره کچه چې اړتیا وي، هڅې نه درېغوي.

د ریاست‌الوزراء سیاسي مرستیال وايي چې اسلامي امارت له ګاونډیو او نړۍوالو هېوادونو سره نېکې اړیکې غواړي، خو د اسلام پر اصولو سودا ته هیڅکله حاضر نه دی او نه به د نورو د خوښۍ لپاره اسلامي شعائر تر پښو لاندې کړي.

د اسلامي امارت سیاسي کمېسیون د سترو سیمه‌ییزو پروژو عملي کولو،  د سرحدي سیمو امنیتي او ټولنیز وضعیت د لا ښه‌والي او له یو شمېر هېوادونو سره د سیاسي اړیکو د پیاوړتیا په اړه بحث کړی دی.

د ریاست‌الوزراء سیاسي مرستیال د کورش نړۍوال فدراسیون له رییس سره په لیدنه کې ویلي، نړۍوالې ورزشي ادارې دې له افغان لوبغاړو او اړوندو ادارو سره خپلې همکارۍ ډېرې کړي او د تجربو شریکولو ته لومړیتوب ورکړي.