امریکا

د ا.ا مشر شیخ هبت‌الله اخندزاده په خپله اختریزه وینا کې په افغانستان کې د اسلامي نظام پر ساتنه ټینګار کړی، د فلسطین له خلکو سره یې همدردي ښودلې او امریکا یې پر مسلمانانو د ظلم سرلښکره بللې ده.

د امریکا د ډیموکراټ قانون جوړوونکو یوې ډلې د ډونالډ ټرمپ حکومت له لوړپوړو چارواکو غوښتي چې د افغانانو ملاتړ او له متحده ایالتونو د هغوی د ایستلو مخنیوی وکړي.

د راپورونو له مخې، د متحده ایالتونو د کلوراډو ایالت په بولډر ښار کې پر یوې غونډې د برید پایله کې شپږ کسان ټپیان شوي او شکمن کس نیول شوی دی.

د امریکا بهرنیو چارو وزیر اعلان کړی چې متحده ایالات به د هغو چیني محصلینو چې د چین له کمونېست ګوند سره اړیکې لري یا په حساسو رشتو کې زده‌کړې کوي، د ویزو لغو کولو بهیر پیل کړي.

وروسته له هغه چې ډونالډ ټرمپ ادعا وکړه، که دی په قدرت کې نه وای، روسیه به له بدو پېښو سره مخ شوې وه، د روسیې د ملي امنیت شورا مرستیال خبرداری ورکړی ویلي یې دي: «زه یوازې له یوه واقعاً بد شي خبر یم؛ درېیمه نړۍواله جګړه.»

د امریکا ولسمشر ویلي، له اروپايي ټولنې امریکا ته پر ټولو وارداتي توکو به ۵۰ سلنه او پر هغو ایفون موبایلونو چې له امریکا بهر تولید شوي وي او دغه هېواد ته ور واردېږي، ۲۵ سلنه ګمرکي تعرفه ولګوي.

اوچا په داسې حال کې افغانستان کې پر بشري پروګرامونو د امریکا د بهرنیو مرستو ځنډولو د منفي اغېزو په اړه راپور ورکړی چې واشنګټن طبیعي پېښو ته د رسېدنې مسوولیت د خپل بهرنیو چارو وزارت د کډوالو برخې ته سپارلی دی.

د ایران د بهرنیو چارو وزارت ویاند وايي چې د ایران او امریکا د غیرمستقیمو مذاکراتو پنځم پړاو سبا (جمعه) پیلېږي.

په لیبیا کې د امریکا سفارت هغه راپورونه رد کړي چې ګواکې له غزې دغه هېواد ته د فلسطینیانو لېږدولو پر پلان کار کوي.

د راپورونو له مخې، د امریکا متحده ایالتونو د میسوري او کینتاکي په ایالتونو کې د توپانونو له امله لږ تر لږه ۲۱ کسانو ژوند له لاسه ورکړی دی.  

د راپورونو له مخې، د امریکا کالیفرنیا ایالت کې د «خلیج» سیمې زرګونه افغان اوسېدونکو د متحده ایالتونو کورني امنیت وزارت له لوري یو لیک ترلاسه کړی او په کې هغوی ته خبرداری ورکړل شوی چې له دغه هېواده د وتلو وخت را رسېدلی دی.

سعودي عربستان له امریکا سره د اقتصادي ګډون سټراټیژيک تړون لاسلیک کړی او ویلي یې دي چې په امریکا کې ۶۰۰ میلیارد ډالره پانګونه وکړي.