بامیان

په افغانستان کې د یونسکو فرهنګي برخې مسوول د بامیان د اطلاعاتو او فرهنګ له رییس سره په لیدنه کې ویلي چې ډېر ژر به د دغه ولایت د لرغونو ساحو د مرمت‌کارۍ او رغونې چارې پیل کړي.

بامیان کې ځايي مسوولین وايي، د دغه ولایت په ۲۴ روغتیايي مرکزونو کې د څښاک پاکې اوبه او د مینځلو (واش) سیسټم نشته، په داسې حال کې ساري او موسمي ناروغۍ ورځ تر بلې مخ په ډېرېدو دي.

د بامیان ځايي مسوولین وايي چې د چاپېریال ساتنې برخه کې د خلکو همکارۍ په موخه یې د دغه ولایت زرګونه اوسېدونکو ته عامه پوهاوی ورکړی دی.

بامیان امنیتي سرچینې وایي چې د روان کال په ترڅ کې د جنایي جرمونو په تور ۳۸۶ کسان نیول شوي او د نشه‌یي توکو د تولید څو کارخونې له منځه وړل شوې دي.

د بامیان د مرکز اوسېدونکې ۳۵ کلنه نجیبه د میراث له حقه د ښځو پر محرومېدو نیوکه کوي او وايي، د پلار له مړینې وروسته یې وروڼه حاضر نه شول څو دې ته د میراث حق ورکړي.

د بامیان ځایي مسوولین وايي چې د دغه ولایت ځینې مواصلاتي لارې د واورې ښویېدو او سخت توپان له امله د لنډ وخت لپاره د ترافیکو پر مخ تړل شوې دي.

د بامیان د مرکز یو شمېر اوسېدونکي په داسې حال کې له ناسمو دودونو او په ودونو او نورو مراسمو کې د لوړو لګښتونو له کېدو شکایت لري چې تازه د دغه ولایت قومي مشرانو په ټولنه کې د دغه کار مخنیوي او لوړو لګښتونو کمولو په اړه هوکړه کړې ده.

د بامیان ورزشي مسوولین وایي، د والیبال تورنمنټ چې د دغه ولایت په سیغان والسوالۍ کې د ۱۲ ټیمونو ترمنځ پیل شوی و د «قرونه» ټيم په اتلولۍ سره پای ته ورسېد.

بامیان کې ځایي مسوولین وايي، دغه ولایت ته غځېدلې لارې چې د واورې ورېدو له امله تړل شوې وې، بېرته د ترافیکو پر مخ پرانیستل شوې.

د بامیان سیمه‌ییز مسوولین خبر ورکوي چې د واورې او سخت توپان له امله دغه ولایت ته غځېدلې لارې د تګ راتګ پر مخ تړل شوې دي.

بامیان کې ورزشي مسوولین وایي، دغه ولایت کې د سلګونو ورزشکارانو په حضور کې د ملي او دودیزو لوبو سیالۍ پيل شوې نن د غوره لوبغاړو په معرفي کېدو سره پای ته ورسېدې.

ځايي مسوولین وايي، د بامیان او دایکنډي ټولې نښلوونکې لارې چې د سختو واورو او توپان له امله تړل شوې وې، د پاک‌کارۍ چارې یې بشپړې او بېرته د ترافیکو پرمخ پرانیستل شوې.