برېښنا

چارواکي وایي چې د کابل په تره‌خېلو کې د ۱۸ میلیون ډالرو په لګښت د ۲۵۲ میګاواټه برېښنا په ظرفیت د یوه سب‌سټېشن جوړولو او له چمتلې تر تره‌خېلو د ۲۲۰ کیلوواټه مزي غځولو چارې پیل شوې.

د غزني برېښنا ریاست مسوولین وایي، د دغه ولایت په دولتي پوهنتون کې د ۱۲۵۰ کیلوولټ ظرفیت په لرلو سره د برېښنا یو ترانسفرمر ګټې اخیستنې ته وسپارل شو.

د قرغیزستان د انرژۍ وزارت وایي چې راتلونکی ۲۰۲۵ میلادي کال له تاجکستان سره په ګډه د کاسا زر پروژې له لارې پاکستان ته برېښنا غځوي.

د غزني ښار نواباد سیمه کې د نږدې ۱۹ میلیونه افغانیو په لګښت د برېښنا د څلورو ترانسفرمرونو په نصبېدو سره۱۲۰۰ کورنۍ له برېښنا برخمنې شوې دي.

پلخمري ښار کې د نږدې ۳۳ میلیون افغانیو په لګښت په معیاري ډول د برېښنا مزو غځولو شبکې چارې د یو خصوصي شرکت له لوري پیل شوې چې په شپږو میاشتو کې به بشپړې شي.

د افغانستان د برېښنا شرکت وايي، په هېواد کې دې وروستیو ورښتونو له امله د نغلو، سروبي او ماهیپر په بندونو کې د برېښنا د تولید کچه لوړه شوې ده.

د فراه د سوداګرۍ او صنعت ریاست وايي چې په دغه ولایت کې د برېښنا کموالي له امله ۱۵ فابریکې له تولیداتو پاتې دي او یو شمېر کسان هم ورسره وزګاره شوي دي.

د کابل ښار ځیني اوسېدونکي د برېښنا له پرچاویو سره د برېښنا بېلونو له لوړېدو شکایت کوي او اړوند ریاست د پرچاوۍ ستونزه مني، وایي هغه کسان دې مراجعه ورته وکړي چې د بېلونو له لوړوالي شکایت لري.

د بلخ سیمه‌ییزو راډیوګانو مسوولین په دغه ولایت کې د برېښنا بیې له لوړوالي شکایت کوي او له حکومته یې د کمولو غوښتنه کوي.

د خوست تڼیو ولسوالۍ ته د ۱۵ میلیون افغانیو په لګښت د وارداتي برېښنا د لېږد چارې پیل شوې

د لوګر ولایت برېښنا ریاست وایي چې په دې وروستیو کې یې د دغه ولایت په مرکز پل‌علم ښار کې څه باندې درې زره کورونو ته برېښنا وصل کړې ده.

د هلمند ځایي مسوولین وايي چې د کجکې بند برېښنا له یوې نیمې میاشتې بندېدو وروسته نن بېرته د هلمند د مرکز په ګډون څلورو ولسوالیو او کندهار ښار ته وصل شوه.