جعل‌کارۍ

امنیتي سرچینې وايي چې په کابل، ننګرهار او بامیان ولایتونو کې د تقلبي ګاڼو د پلور او جعلي پیسو د لېږد په تور یوولس کسان نیول شوي دي.

پروان کې دوه کسان له یو غلا شوي موټر، یو کس د موټرو په پېر او پلور کې د جعل‌کارۍ او د یوې ښځې په ګډون څلور نور کسان له یوه کوره د سرو زرو او نغدو پیسو د غلا په تور نیول شوي دي.

د کابل امنیتي مسوولین وایي، د کابل ښار په درېیمه امنیتي حوزه کې دوه کسان د جعلي پاسپورټونو جوړولو او یو بل د غلا په تور نیول شوي دي.

د اروزګان چارواکي وايي، د دغه ولایت په مرکز ترینکوټ، خاص اروزګان او دهراوود ولسوالیو کې دوه کسان له نظامي یونیفورم څخه په استفادې د غلا، یو کس د موټرسایکل غلا کولو او بل کس د مرستو د وېش د جعلي کارتونو جوړولو په تور نیول شوي دي.