زلزلې

د ریاست‌الوزارء اقتصادي مرستیال هرات ولایت ته د خپل سفر په ترڅ کې زلزله‌ځپلو ته ډاډ ورکړی چې د زلزلې له امله وران شوي کورونه به یې بېرته په اساسي ډول جوړ کړي.

د ملګرو ملتونو سازمان د بشري حقونو شورا وایي، غړو یې د دې شورا ناسته کې د هرات خونړۍ زلزلې قربانیانو ته د درناوي په پار یوه دقیقه چوپتیا غوره کړه.

د امریکا متحده ایالتونو د بهرنیو چارو وزیر وایي، واشنګټن د افغانستان په لوېدیځ کې د زلزلې اغېزې او څرنګوالی څېړي.

د هرات ښار اوسېدونکي وایي، دغه ښار یو ځل بیا زلزلې ولړزاوه او یو شمېر خلک له وېرې له خپلو کورونه وتلي دي.

پېښو ته د رسېدو په چارو کې د دولت وزارت مخکې ویلي وو چې هرات کې زلزلې نږدې ۱۱۳۰۰ کسانو ته مرګ‌ژوبله اړولې، خو اوس وایي، دا شمېرې سمې نه دي او ۲۰۵۳ کسانو ته مرګ‌ژوبله اوښتې ده.

د راپورونو له مخې، مراکش کې د سختې زلزلې له امله ۲۹۶ کسان مړه او ۱۵۳ نور ټپیان شوي دي.

څلورم تعقیب- کابل (پژواک، ۳ وری ۱۴۰۲ ): د عامې روغتیا وزارت وایي، په هېواد کې د وړمې شپې زلزلې له امله پنځه کسان مړه

په تخار کې سرچینې وایي، په دغه ولایت کې د تېرې شپې زلزلې له امله یو کس مړ او پنځه نور ټپيان شوي دي.

د راپورونو پر بنسټ، په ترکیه او سوریه کې د زلزلې له امله د مړه شوو شمېر ۱۱۲۰۰ او د ټپیانو تر ۴۰ زرو پورې رسېدلی دی.

د بهرنیو چارو وزارت په ترکيې او سوريې کې د زلزلې له امله له دغو دواړو هېوادونو سره غمشريکي وښوده او له اسلامي هېوادونو او نړۍوالو مرستندويه ادارو یې وغوښتل چې د زلزلې له قربانيانو سره مرستې وکړي.

د افغانستان سرپرست حکومت د اندونیزیا پر هغې زلزلې خواشیني څرګنده کړې چې په ترڅ کې یې سلګونه کسانو ته مرګ‌ژوبله اوښتې ده.

د ريښتر په کچه ۵،۱ درجې زلزلې د بدخشان مرکز فیض‌اباد ښار او د دغه ولایت ځینې ولسوالۍ ولړزولې.