شکایت

د بلخ ولایت البرز ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.

د بلخ ولایت چهاربولک ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.

په خوست کې د ګونګيانو ځانګړي ښوونځي زده‌کوونکي او ښوونکي له مسوولينو غوښتنه کوي چې د زده‌کړو بهير کې د شته ستونزو په هواري کې مرسته ورسره وکړي.

د کابل ښار یو شمېر خلک په هوټلونو کې د ودونو مراسمو ته د نابللو کسانو له ورتګه شکایت کوي، بلخوا، د چارو پوهان په دغه ډول مراسمو کې د نابللو کسانو ګډون «ناسم فرهنګ» بولي او وايي، حکومت باید د دې ستونزې هواري لپاره یو میکانيزم رامنځته کړي.

بدخشان کې د بهارک ولسوالۍ د فراخ دښتې دوبندي کلي یو شمېر اوسېدونکي وایي چې د دغه کلي سلګونه کورنۍ د څښاک اوبو له کمښت سره مخ دي او د سیند له اوبو د استفادې له امله پر بېلابېلو ناروغیو اخته کېږي.

د هېواد په یو شمېر ولایتونو کې د فوټبال لوبغاړي شکایت کوي چې په ولایتونو کې یې د فوټبال لوبغالي نشته او که شته هم، معیاري نه دي، خو د فوټبال فدراسیون وایي، هڅه کوي د لوبغاړو دې ستونزې ته رسېدنه وکړي.

د خوست د موسی‌خېلو ولسوالۍ یو شمېر اوسېدونکي له کمزورو روغتیايي خدمتونو شکایت کوي او وايي، اړ دي چې د یوې عادي ناورغۍ لپاره هم د خوست ښار ته سفر وکړي.

ځيني هغه افغانان چې له ايرانه را ایستل شوي د دغه هېواد د پوليسو له ناسم چلنده شکايت کوي او وايي چې په ايران کې افغان کډوال وهل او ډبول کېږي، بندي کېږي او په زور را ایستل کېږي.

د بغلان په دوشي ولسوالۍ کې سېلاب‌ځپلۍ کورنۍ وايي، د څښاک پاکو اوبو ته لاسرسی نه لري او په دې برخه کې له ګڼو ستونزو سره مخ دي.

د کندهار پوهنتون  یو شمېر محصلین وايي، د پخوا په پرتله یې ډېرې ستونزې حل شوې خو لیلیه او لوبغالی لا هم نه ‌لري.

د لغمان د بادپښ ولسوالۍ اوسېدونکي وايي، له مرکز مهترلام سره د دې ولسوالۍ نښلېدونکی سړک خراب دی چې له امله یې دوی له ګڼو ستونزو سره مخ دي.

د بلخ د کشندې ولسوالۍ اوسېدونکي وایي چې د ژوند له لومړنیو اړینو خدمتونو لکه برېښنا، روغتیایي مرکزونو، سړک او مخابراتو بې برخې دي او د څښاک اوبو ته هم لاسرسی نه لري.