فراه

د افغانستان د سټنډرډ ملي اداره وايي، په تېره یوه میاشت کې له ایرانه وارد شوي ۱۶۰ ټانکره بې‌کیفیته تېل یې د فراه له «۷۸ میل» بندره بېرته دغه هېواد ته ورګرځولي دي.

فراه کې حکومتي مسوولینو هغو کسانو ته چې ژورې څاګانې لري، خبرداری ورکړی، که له دې وروسته یې څوک اړوندو څاګانو ته ولوېږي، محکمې ته به یې کش کړي.

د فراه ګلستان، پرچمن او خاکسفېد ولسوالیو یو شمېر خلک وايي، دوی له فراه ښاره له ۲۵۰ تر ۳۸۰ کیلومتره لرې دي، نو په دغو ولسوالیو کې د برېښنايي تذکرو د وېش مرکزونو جوړېدو غوښتنه کوي.

د فراه امنيتي مسوولین وايي، د دغه ولایت په پرچمن ولسوالۍ کې نن د ترافيکي پېښې له امله دوو کسانو ژوند له لاسه ورکړی دی.

د فراه د اطلاعاتو او فرهنګ ریاست وايي چې د دغه ولایت په مرکز او یو شمېر ولسوالیو کې د ۳۴۰ زره امریکايي ډالرو په لګښت لسو روغتیايي مرکزونو ته ودانۍ جوړې او ګټې اخیستنې ته وسپارل شوې.

فراه کې مسوولین وايي، د دغه ولایت په مرکز کې پرون ۳۸۰ کورنیو ته د ۹ میلیون افغانیو په لګښت د څښاک پاکو اوبو یوه شبکه جوړه او ګټې اخیستنې ته وسپارل شوه.

کونړ او فراه کې مسوولین وايي، په دغو ولایتونو کې له پاکستانه تازه راستنو شوو افغان کډوالو لپاره کمپونه جوړ شوي دي.

د فراه ولایت د اطلاعاتو او فرهنګ ریاست وایي، د دغه ولایت په پشترود ولسوالۍ کې پنځو نویو جوړو شوو روغتیایي مرکزونو ته د ۵۰ زره امریکایي ډالرو په ارزښت روغتیایي وسایل او ځينو نورو توکي ورکړل شول.

فراه کې مسوولین وايي، د دغه ولایت په پرچمن ولسوالۍ کې پرون د دوو روغتيايي کلینیکونو ودانۍ ګټې اخیستنې ته وسپارل شوې.

د فراه ګلستان ولسوالۍ یو شمېر خلک وايي، دوی هیڅ پوخ سړک نه لري، او له حکومته غواړي چې د دې ولسوالۍ لار له کندهار- هرات لویې لارې سره – چې ورسره ۶۰ کیلومتړه واټن لري- ونښلوي.

فراه کې مسوولین وايي، د دغه ولایت په بالابلوک او فراه‌رود ولسوالیو کې د یو میلیون او ۳۰۰ زره امریکايي ډالرو په لګښت د څه باندې دوه‌نیم زره هغو کورونو بیارغولو چارې پيل شوې چې په تېرو جګړو کې تخریب یا ویجاړ شوي دي.

د فراه سیمه‌ییز چارواکي وایي، د زلزلې احتمالي خطر له امله د دغه ولایت په مرکز او ولسوالیو کې ټول ښونیز مرکزونه د یوې اونۍ لپاره رخصت شول.

د فراه د پوهنې رییس مولوي ا