لوګر

د ملګرو ملتونو د ماشومانو ملاتړ صندوق (UNICEF) د لوګر ولایت له دولتي ښوونځیو سره د ۷۰ زره امریکایي ډالرو په ارزښت د درسي توکو مرسته وکړه.

د لوګر ولایت د صنعت او سوداګرۍ ریاست مسوولین وايي، د ملګرو ملتونو په مالي ملاتړ د (پرمختیايي خدمتونو د مرستندویې موسسې) له لوري د دغه ولایت مرکز پل‌علم او ولسوالیو کې د وزګارو کسانو لپاره د کاري فرصتونو برابرولو پروګرام پیل شو.

د لوګر امنیتي مسوولین وایي چې د کابل – ګردېز پر لویه لار د یوه موټر چپه کېدو پېښه کې د ښځو او ماشومانو په ګډون پنځه کسان ټپیان شوي دي.

د لوګر د اطلاعاتو او فرهنګ ریاست له لوري د دغه ولایت په مرکز پل‌علم ښار کې د کتابونو یو ورځنی نندارتون جوړ شو چې په‌کې زرګونه ټوکه دیني، سیاسي، ادبي، ټولنیز او معلوماتي کتابونه نندارې ته وړاندې شول.

د لوګر د عامې روغتیا ریاست مسوولین وایي، نن یې د پل‌علم ښار او خروار ولسوالۍ له شخصي روغتیايي مرکزونو، کتنځایونو او درملتونو د څارنې پرمهال خروار ولسوالۍ کې ۱۹ شخصي روغتیايي مرکزونه، کتنځایونه او درملتونونه د ناقانونه فعالیت له امله تړلي دي.

لوګر کې سیمه‌ییز مسوولین وايي چې دغه ولایت لپاره د ملي بس شرکت خدمات له لس کلن ځنډ وروسته یو ځل بیا پیل شول.

د لوګر د بدني روزنې او ورزش امریت مسوؤلین وایي چې د ولایت په کچه د لس لوبډلو ترمنځ درې ورځنۍ د فوټبال سیالۍ ترسره شوې چې پای‌لوبه یې شاهین لوبډلې وګټله.

لوګر کې ځايي مسوولین وايي چې د دغه ولایت د مرکز پل‌علم اړوند په «کنجک» سیمه کې د کابل – لوګر پر لویه لار د ترافیکي پېښې له امله د ښځو او ماشومانو په ګډون پنځه کسان ټپيان شوي دي.

لوګر کې مسوولین وایي، د دغه ولایت د ازرې او خروار ولسوالیو اوسېدونکي د پوهنې، روغتیا، کرنې او سړکونو برخو کې له ستونزو سره مخ دي چې ډېر ژر به رسېدنه ورته وکړي.

مسوولین وایي چې د کابل – لوګر پر لویه لاره د مرکز پل‌علم اړوند «کلنګار» سیمه کې د یوې ترافیکي پېښې له امله درې کسانو ته مرګ‌ژوبله اوښتې ده.

د لوګر ولایت د امر بالمعروف، نهې عن المنکر او شکایتونو اورېدو ریاست وایي چې په تېر یوه کال کې له دغه ولایت مرکز پل‌علم او ولسوالیو څخه سلګونه د موسیقي آلې او وسایل راټولې کړې او نن یې وسوځول.

ځايي مسوولین وايي، په لوګر او نورستان ولایتونو کې د ترافیکي پېښو له امله پنځو کسانو ژوند له لاسه ورکړی او شپږ نور ټپیان شوي دي.