مرسته

د افغانستان لپاره د بریتانیا سفارت د بشرپالنې نړۍوالې ورځې په مناسبت ویلي چې په تېر زېږدیز کال کې یې له څه باندې ۲،۷ میلیون افغانانو سره مرسته کړې ده.

د خوړو نړۍوال پروګرام اعلان کړی چې امریکا او بریتانیا له افغانستان سره ۳۳۰ میلیون ډالره بشري مرسته کوي.

د ملګرو ملتونو د بشري مرستو د همغږۍ دفتر (اوچا) وايي، کاناډا د افغانستان د بشري مرستو له وجهي صندوق سره درې میلیونه کاناډايي ډالر (۲،۲ میلیونه امریکايي) مرسته اعلان کړه.

ننګرهار کې د ایران قونسلګرۍ مسوولینو د دغه ولایت له چارواکو سره ژمنه کړې چې د وروستي توپاني باران له امله له زيانمن شوو کورنيو سره بشري مرسته کوي.

چین د ۴۰ میلیون یوان په ارزښت د افغانستان د کډوالو او راستنېدونکو چارو وزارت ته بېلابېل ډول موټر او نور توکي ورکړي او دا د هغې ۱۰۰ میلیون مرستې برخه ده چې ژمنه یې کړې وه.

په کابل کې د جاپان سفارت وايي چې هېواد یې له افغان کروندګرو سره د بدیل معیشت برخه کې لس میلیون امریکایي ډالر مرسته کوي.

په افغانستان کې د اروپایي ټولنې شارژدافیرې له افغانستان سره د یادې ټولنې له لوري د ۹۸ ټنه طبي تجهیزاتو د مرستو خبر ورکړی دی.

د ملګرو ملتونو د بشري مرستو همغږي کوونکی دفتر (اوچا) وايي چې اسټرالیا د افغانستان د بشري مرستو له صندوق سره ۲،۶ میلیون امریکایي ډالر مرسته اعلان کړه.

د کډوالۍ نړۍوال سازمان وايي چې د اروپایي ټولنې په ملاتړ یې له ۲۰۱۸ کال څخه تر ۲۰۲۳ کاله پورې له ۱،۲ میلیون افغانانو سره مرسته کړې ده.

د پوهنې سرپرست وزیر د روسیې په کازان ښار کې د پوهنې وزیرانو په دویم نړۍوال فورم کې د ښوونځيو ودانيو جوړولو، د درسي کتابونو چاپولو او د ښوونکو معاشنو برخو کې له نړۍوالې ټولنې د مرستې غوښتنه وکړه.

عدلیې وزارت وايي، له دغه وزارت سره ثبت شوو خیریه بنسټونو د بغلان او تخار له سېلاب‌ځپلو سره ۵۶ میلیون افغانۍ مرسته کړې ده.

د کورنیو چارو وزارت له نشه‌یي توکو سره د مبارزې مرستیال د ملګرو ملتونو پرمختیایي پروګرام له مسوول سره په لیدنه کې ویلي چې نشه‌یي توکي یوازې د افغانستان ستونزه نه، بلکې نړۍوال بشري ناورین دی.