ملګري ملتونه

د ملګرو ملتونو ویاند وایي چې د دغه سازمان د امنیت شورا په سپارښتنه به له اسلامي امارت سره کار او تعامل ته دوام ورکړي.

د افغانستان بانک سرپرست د ملګرو ملتونو د پرمختیایي پروگرام له مشر سره په لیدنه کې د کوچنیو پورونو د ورکړې او بېکارۍ کچې راکمولو برخو کې د دغه پروګرام د لا زیاتې همکارۍ غوښتنه وکړه.

د کورنیو چارو وزارت له نشه‌یي توکو سره د مبارزې مرستیال د ملګرو ملتونو پرمختیایي پروګرام له مسوول سره په لیدنه کې ویلي چې نشه‌یي توکي یوازې د افغانستان ستونزه نه، بلکې نړۍوال بشري ناورین دی.

ملګري ملتونه وایي چې له افغانستان سره د بشري مرستو په موخه ۳،۰۶ میلیارد ډالرو ته اړتیا لري، خو تر اوسه یې د دغو پیسو یوازې شپږ سلنه ترلاسه کړي دي.

په افغانستان کې د ملګرو ملتونو د ځانګړي استازي مرستیال وایي، غواړي د بشري مرستو څخه د پراختیایې پروژو د تطبیق په لور ګام واخلي.

د ملګرو ملتونو امنیت شورا د رایو په اتفاق افغانستان کې د دغه سازمان مرستندوی دفتر (یوناما) ماموریت د یوه بل کال لپاره وغځاوه.

بهرنیو چارو وزارت وايي چې ملګري ملتونه دې د افغانستان په اړه په خپلو راپورونو او چلند کې د سطحیت او پلویتوب پر ځای د دقت او بې‌برېتوب لاره خپله کړي.

د ملګرو ملتونو سرمنشي د افغانستان په تړاو پخپل درې میاشتني راپور کې ویلي، چې د تېر کال د همدې مودې په پرتله په نا امنیو کې ۳۸ سلنه زیاتوالی راغلی، خو دداعش بریدونه بیا کم شوي دي.

د ملګرو ملتونو د نشه‌يي توکو او جرمونو پر وړاندې د مبارزې ادارې پخوانی اجرائیوي ریيس وايي، په نږدې راتلونکي کې په کابل کې نړۍوال کنفرانس جوړوي او د دغه کنفرانس له لارې افغان بزګرانو ته د بدیلو کښتونو وړاندې کولو برخه کې د نړۍوالو مالي ملاتړ راجلبوي.

د ملګرو ملتونو د سرمنشي مرستیاله وايي، دغه سازمان چمتو دی چې د چاپېریال‌ساتنې، بشري چارو، کارموندنې، زېربنایي چارو او د بېوزلۍ کمولو برخو کې له افغانستان سره خپلو مرستو ته دوام ورکړي.

د اسلامي امارت له ګډون پرته د افغانستان په تړاو د ملګرو ملتونو تر سرپرستۍ لاندې د دوحې دوه ورځنی کنفرانس نن پیلېږي.

د افغانستان په تړاو ددوحې تر غونډې مخکې د ملګرو ملتونو ځانګړي همغږي کوونکي کابل ته د سفر پر مهال په ډاګه کړې، پخپله ارزونه کې يې غوښتنه کړې چې په کابل کې د نورو هېوادونو دیپلوماتیک حضور زیات شي.