ننګرهار

د ننګرهار د پوهنې رياست او د دغه ولايت د ډاکټرانو اتحادیې يوه هوکړه‌ لاسلیک کړې چې له مخې يې له دې وروسته ډاکټران په خپلو شخصي کتنځايونو کې له ښوونکو فیس نه اخلي.

د ننګرهار د کرنې رياست وايي چې د ځمکو له غصب د مخنيوي تخنيکي پلاوي په همکارۍ يې د دغه ولایت په سره‌رود ولسوالۍ کې ۸۰۰ جریب غصب شوې ځمکه را ګرځولې.

د ننګرهار امنيه قومانداني وايي جې په دغه ولايت کې د پاسپورټونو د وېش پروسه بېرته عادي حالت ته راګرځېدلې او په تېرو شاوخوا لسو مياشتو کې ۶۵ زره او ۵۰۰ کسانو ته پاسپورټونه وېشل شوي دي.

د ننګرهار امنيه قومانداني وايي، جلال‌اباد ښار کې يې د سوالګرو د مخنيوي په موخه کمپاين ترسره کړی چې پر مهال يې ۱۰۴ سوالګر ماشومان راټول کړي او د مرستو په موخه يې اړوندو ادارو ته ورپېژندلي دي.

د ننګرهار د کرنې او مالدارۍ رياست له لوري په جلال‌اباد ښار او ولسواليو کې د نيالګيو اېښودو پسرلنی کمپاين پيل شو چې په ترڅ کې به یې درې میلیونه او ۸۵۱ زره نیالګي کېښودل شي.

د ننګرهار مرستيال والي وايي، په دغه ولايت کې د صنعت او سوداګرۍ پراختيا لپاره هڅې ګړندۍ شوې او سوداګرو ته د صنعتي فابریکو جوړولو لپاره ۲۰ زره جریب ځمکه ورکول کېږي.

د ننګرهار امنیه قومانداني وایي چې د دغه ولایت په سره‌رود ولسوالۍ کې يې يو کس د خپل ورور د وژلو په تړاو نيولی دی.

د ننګرهار ولایت په خوږياڼو ولسوالۍ کې د دوو کورنیو ترمنځ پنځه کلنه دښمني د قومي مشرانو او دیني عالمانو په منځګړيتوب پای ته ورسېده.

د ننګرهار امنيتي چارواکي وايي، په تېرو لسو مياشتو کې د دغه ولايت د مرکز جلال‌اباد ښار او شاوخوا سیمو کې د اورلګېدنې ۶۳ پېښې شوې دي.

د ننګرهار کرنې رياست مسوولین وايي، د دغه ولايت په شپږو ولسواليو کې کې د «موتيا» په نوم د عطري ګلانو د فارمونو جوړېدو چارې پيل شوې.

د ننګرهار ولايت مرکز جلال‌اباد ښار کې د ۱۴ ميليون افغانيو په لګښت د يوه سړک د جوړېدو چارې پيل شوې.

د ننګرهار د اطلاعاتو او فرهنګ ریاست مسوولین وايي، د «اتفاق نوین» په نوم یوې نوې خصوصي اېف‌اېم راډيو په دغه ولایت کې خپلې ازمايښتي خپرونې پیل کړې دي.