ښوونځي

د غزني ولايت په مالستان ولسوالۍ د خلکو په شخصي لګښت یوه لومړني ښوونځي ته ودانۍ جوړه کړه او ګټې اخیستنې ته وسپارل شوه.

د غزني ولايت د مرکز اړوند د کلای امیرمحمدخان سیمې اوسېدونکو په خپله سیمه کې په شخصي لګښت د يوه لومړني ښوونځي لپاره د ودانۍ جوړولو د بنسټ ډبره كېښوده.

د ننګرهار د پوهنې رياست مسوولين وايي، د ملګرو ملتونو د کډوالۍ نړۍوال سازمان د ۱۴۵ زره ډالرو په مالي ملاتړ بهسودو ولسوالۍ کې د نجونو د يوه ښوونځي ودانۍ جوړه شوه.

د تخار د دشت‌قلعې ولسوالۍ د اورته‌ظلم سیمې یو شمېر اوسېدونکي وايي، د «طوره خان» منځني ښوونځي زده‌کوونکي پرته له سرپناه په ازاده فضا کې زده‌کړې کوي چې له امله یې د سیمې اوسېدونکو پرېکړه کړې څو دغه ښوونځي ته ودانۍ جوړه کړي.

د بلخ په نهرشاهي ولسوالۍ کې د یوې موسسې له لوري یوه ښوونځي ته د ۱۲۰ زره امریکایي ډالرو په لګښت ودانۍ جوړه او ګټې اخیستنې ته وسپارل شوه.

فراه کې مسوولین وايي، د نوي ښوونیز کال له پیل سره یې د دغه ولایت د مرکز په ګډون څلورو ولسوالیو کې ۲۶ هغه ښوونځي بېرته فعال کړل چې د تېرو جګړو له امله بشپړ یا نیمه تړل شوي وو.

پنجشېر کې د منځنيو او لېسو نجونو زده‌کوونکې د خپلو ښوونځيو تړل کېدو په اړه د اندېښنې په څرګندولو سره له حکومته غواړي چې دوى ته ديني مدرسې جوړې کړي.

د دایکنډي د میرامور ځیني اوسېدونکي وايي چې د دې ولسوالۍ نږدې نیمايي ښوونځي ودانۍ نه لري او زده‌کوونکي یې په ازاده فضا او حسینیو کې درسونه وايي.

د بغلان د پوهنې رياست وايي، د دغه ولايت د ٥٢٧ ښوونځيو له ډلې ٢٠٩ يې ودانۍ نه لري چې له امله یې زده‌‎کوونکي له ستونزو سره مخ دي.

د خوست پوهنې رياست وايي چې د دغه ولايت ۹۰ ښوونځي لا هم ودانۍ نه لري او زده‌کوونکي يې د ونو سيوري ته او يا په نورو نامناسبو ځايونو کې زده‌کړې کوي.

د سرپل ولایت په مرکز کې د ۴۵ زره امریکايي ډالرو په لګښت د نجونو یوه ښوونځي د ودانۍ جوړېدو چارې پيل شوې او د کونړ په ولایتي روغتون کې بیا د ۳۰ زره امریکايي ډالرو په لګښت یو لابراتوار فعال شو.

فاریاب کې د پوهنې ریاست مسوولین وايي، د دغه ولایت په شېرین تګاب ولسوالۍ کې د «ګل‌تپه» په نوم د نجونو لومړني ښوونځي ودانۍ بشپړه او ګټې اخیستنې ته وسپارل شوه.