افغان او چیني چارواکو

د کانونو او پټرولیم وزارت پلاوي په چین کې د کاني همکاریو د پیاوړتیا کنفرانس کې ګډون کړی او له چیني پانګوالو یې غوښتي چې افغانستان ته د کانونو د سروې، اکتشاف او استخراج عصري ماشینونه ولېږدوي.

د چین د سفیر مرستیال د افغانستان بهرنیو چارو وزارت له سیاسي مرستیال سره لیدنه کې ویلي، هېواد یې غواړي چیني سوداګر افغانستان کې پانګونې ته تشویق کړي او په نړۍوال سټېج د اسلامي امارت ملاتړ ته دوام ورکوي.

افغان او چیني چارواکو د دواړو هېوادونو تر منځ په «واخان دهلیز» کې د تګ راتګ لپاره د لارې پر پرانیستلو او له دې لارې افغانستان ته د فایبر نوري مزي پر غځولو خبرې کړې دي.