افغان خبریالان

پاکستان کې ځینې افغان خبریالان وايي چې په دغه هېواد کې د ویزې نه تمدیدو، روغتیايي او تحصیلي خدماتو ته نه لاسرسي، وخت ناوخت د پولیسو له لوري ځورولو او د غوښتنلیکونو پر وخت نه څېړل کېدو له امله له سختو ذهني او رواني ستونزو سره مخ شوي دي.

د افغان خبریالانو د ملاتړ سازمان ویلي چې په پاکستان او ایران کې لسګونه افغان خبریالان له بد وضعیت سره مخ دي،  له ملګرو ملتونو او نورو نړۍوالو سازمانونو یې غوښتي دي چې ددوی د کډوالۍ قانوني بهير ته لومړيتوب ورکړي او هم ورسره اقتصادي مرستې وکړي.

په پاکستان کې مېشت ځیني افغان خبریالان د دغه هېواد د پولیسو له خوا ترې د پیسو له اخیستلو شکایت کوي او وايي، تېره ورځ کله چې د اسلام‌اباد ښار په یوه سیمه کې د سیاحت لپاره راټول شوي وو نو پولیسو ورڅخه پیسې اخیستې دي.

. . .

په پاکستان کې مېشت افغان خبریالان د ویزو او پاسپورټونو د وخت له پای ته رسېدو، د پولیسو له خوا له ځورول کېدو، اقتصادي او نورو ستونزو سر ټکوي او له اړوندو سرچینو یې د حل غوښتنه کوي.