افغان کډوال

رییس‌الوزراء اړوندو ادارو ته امر کوي چې د راستنېدونکو افغان کډوالو د ستونزو هواري لپاره ټول امکانات وکاروي او له پاکستانه غواړي چې د افغان کډوالو له ځورولو لاس واخلي.

حزب اسلامي له پاکستان او ایرانه غوښتي چې د افغان کډوالو ایستل ودروي؛ د ښه ګاونډیتوب پولې دې پر دښمنۍ نه بدلوي او داسې تګلارې دې نه غوره کوي چې نفرتونه او دښمنۍ زېږوي.

د افغانستان ملي دفاع سرپرست وزير له پاکستانه غوښتي چې پر افغان کډوالو «روان ظلم» ودروي، هر څه چې کوي عواقب يې وسنجوي او دومره وکري چې بيا يې د رېبلو توان لري.

د افغانستان د بهرنیو چارو سرپرست وزیر د ملګرو ملتونو دسرمنشي استازې ته ویلي، چې د پاکستان د حکومت له خوا د را اېستل کيدونکو افغانانو پر کورونو چاپې وهل کېږي او نغدي شتمنۍ يې په زور ترې اخلي.

د کوزې پښتونخوا وتلي پښتون سیاستوال او د ملي دیموکراتیک ګوند مشر محسن داوړ له یو شمېر نورو سیاسیونو او مدني فعالانو سره په ګډه  زوره د افغان کډوالو د ایستلو پر ضد د پاکستان سترې محکمې ته عریضه کړې ده.

په تورخم ښارګوټي کې له پاکستانه راغلي کډوال وايي چې د پاکستان حکومت له لوري په زور ایستل شوي، دا مهال له ستونزو سره مخ دي او بېړنیو مرستو ته اړتيا لري.

اسلامي امارت له پاکستانه وغوښتل چې له تحمل کار واخلي او د ښه ګاونډیوب، اسلامي اخوت او بشري عاطفې له مخې دې افغان کډوال جبراً نه باسي.

د پاکستان په پنجاب ایالت سیمه کې د افغان کډوالو د کورنیو د لېږدونکي ټېلر موټر د چپه کېدو له امله دوه کسان مړه او ۲۵ نور ټپیان شوي دي.

ملګرو ملتونو خبرداری ورکړی چې په جبري توګه له پاکستان څخه د سلګونو زرو افغان کډوالو  ایستلو سره به بشري ناورین رامنځته شي.

د پاکستان یو شمېر سياستوالو او د بشري حقونو فعالانو د پاکستان د بشري حقونو ملي کمېسیون ته په عریضه کې غوښتنه کړې چې حکومت دې په زوره د افغان کډوالو د اېستلو پرېکړې ته بيا کتنه وکړي.

د کاناډا حکومت  اعلان کړی چې تر اوسه یې نږدې ۴۰ زره افغانان خپل هېواد ته لېږدولي او دې لړۍ ته ادامه ورکوي.

کابل (پژواک، ۲۸ تله ۱۴۰۲): د ریاست‌الوزرا اداري مرستیال په کابل کې د پاکستان له سفیر سره په لیدنه کې ویلي، په تورخم او سپین‌بولدک