بلخ

د ترانسپورټ او هوايي چلند وزارت وايي، د بلخ مولانا جلال‌الدین محمد بلخي نړۍوال هوايي ډګر کې د څه باندې ۷۳ میلیون افغانیو په لګښت د یوې رغنیزې پروژې کار پیل شوی.  

د بلخ د اقتصاد ریاست وایي چې تېر زېږدیز کال د دغه ولایت په کچه د شاوخوا ۲۷۵ میلیون ډالرو په لګښت په بېلابېلو برخو کې ۱۵۸ پروژې پلې شوې دي.

د بلخ یو شمېر صنعتکاران مزارشریف ښار کې د امیر علي‌شېر نوایي صنعتي پارک ته د غځیدلي سړک له خرابوالي شکایت کوي او له حکومته یې د جوړولو غوښتنه کوي.

بلخ کې امنیتي سرچینې وایي چې د دغه ولایت حیرتان بندر کې يې د یوه ازبکستاني وګړي په ګډون شپږ کسان له لسګونه بوتل شرابو سره نیولي دي.

د بلخ ولایت په چمتال او بلخ ولسوالیو کې د ۲۴ میلیون افغانیو په لګښت د اوبو رسولو شپږ شبکې جوړې او ګټې اخيستنې ته وسپارل شوې.

د بلخ د بدني روزنې او ورزش ریاست وایي چې د دغه ولایت د غرختونکو فدراسیون ۱۴ کسیزې ډلې د چهارکنت ولسوالۍ غره تر ټولو لوړه څوکه فتحه کړه.

د افغانستان برېښنا شرکت اجرائیوي رییس وایي، دغه ریاست پلان لري چې په راتلونکي کال کې د برېښنا برخه کې ۴۰ میلیارد افغانۍ ولګوي.

د بلخ ولایت د شولګرې ولسوالۍ یو شمېر اوسېدونکي د برېښنا له نشتوالي شکایت کوي او له حکومته غواړي څو د دې ولسوالۍ پر سیند د برېښنا بند جوړ کړي.

د بلخ ولایت حیرتان ګمرک کې د ۵۰ میلیون افغانیو په لګښت پر ۱۵ جریبه ځمکه د باروړونکو موټرو لپاره یو معیاري تم‌ځای جوړ او ګټې اخیستنې ته وسپارل شو.

د بلخ ځینو سیمه‌ییزو ادارو په ګډه په دغه ولایت کې د نيالګيو اېښودو پسرلنی کمپاين پيل کړ چې په ترڅ کې به یې شاوخوا یو میلیون نيالګي کېښودل شي.

د بلخ پارا المپیک فدراسیون مسوولین وایي چې په دغه ولایت کې د پنځو لوبډلو د شاوخوا ۵۰ لوبغاړو ترمنځ په ویلچر د هندبال سیالۍ ترسره شوې.

د بلخ کسبګرو او هټۍ‌والو خونې مسوولین وایي، په دغه ولایت کې د بوټانو د تولید ۱۰۸ کارخونې فعالیت لري چې هره ورځ ۱۲ زره جوړې بوټان تولیدوي.