توکو

نن په کابل ښار کې د تېرو اوو ورځو په پرتله د لومړنیو اړینو توکو بیو کې بدلون نه دی راغلی.

د ننګرهار سوداګرۍ خونه وايي، خيبر پښتونخوا کې د ځايي قومي خلکو د اعتراض له امله له تېرې شاوخوا يوې اونۍ راهیسې د تورخم – پېښور لویه لاره تړل شوې او د افغان سوداګرو شاوخوا ۲۰۰۰ بار لارې بندې پاتې دي.

د نیمروز د ځمکني ترانسپورټ رییس وايي، له دوه کلن ځنډ وروسته د چابهار له بندره د افغان سوداګرو د توکو لېږد رالېږد بېرته پیل شو او د دغه بندر له لارې د توکو د انتقال بهیر ګړندي‌کېدو برخه کې ځیني اقدامات هم شوي دي.

له افغاني سرې مياشتې سره، ای‌سي‌ارسي د ۲۰ ميليون افغانیو په ارزښت د ۱۶ امبولانسونو او سعودي عربستان د ۳۵۰زره امريکايي ډالرو په ارزښت د خوراکي توکو مرسته وکړه.

د سمنګان یو شمېر اوسېدونکي د دغه ولایت په بازارونو کې د لومړنیو توکو د بیو له لوړالي شکایت کوي او وايي چې د افغانۍ پر وړاندې د ډالر ارزښت په ټیټېدو سره هم د لومړنیو توکو بیو کې هیڅ بدلون نه دی راغلی.

کونړ کې له پاکستانه تازه راستنې شوې کورنۍ وایي که څه هم د دغه ولایت په خاص کونړ ولسوالۍ کې ورته لنډمهاله کمپ جوړ شوی، خو په وینا يې د لومړنیو توکو له کمښت سره مخ دي.

د افغانستان د اوسپنې پټلۍ ادارې مسوولینو له ازبکستانه غوښتي چې پر ترانزیټي توکو تعرفه کمه کړي څو له دې لارې د انتقالاتو کچه لوړه شي.

د صنعت او سوادګرۍ وزارت وایي، د لومړي ځل لپاره له ایرانه په توکو بار اورګاډی د هرات ولایت «روزنک» تمځای ته را ورسېد.

د اوسپنې پټلۍ اداره وایي، ایراني چارواکو لیکلې ژمنه کړې چې د ۱۴۰۲ لمریز کال له وري میاشتې مخکې به د خواف- هرات اوسپنې پټلۍ د اورګاډو تګ راتګ ته چمتو کوي او په سوداګریزو مالونو بار لومړی کتار به له ایرانه افغانستان ته راشي.

د صنعت او سوداګرۍ وزارت وایي، د روانې لړم میاشتې تر پایه به له روسیې څخه افغانستان ته د شوي تړون له مخې د تېلو، اوبلن ګاز او غنمو رالېږد پیل شي.