درملو

د بلخ ولایت مقام وایي چې یو ایراني شرکت غواړي په دغه ولایت کې له افغان سوداګرو سره په ګډه د درملو تولید یوه فابریکه جوړه کړي.

د هلمند د مارجې یو شمېر اوسېدونکي وایي، د دې ولسوالۍ په روغتیایي مرکزونو کې د درملو کمښت سربېره په سمه توګه روغتیایي خدمات نه وړاندې کېږي او دوی اړ دي چې خپل ناروغان لښکرګاه ښار ته بوځي.

لوګر کې یو شمېر خلک ادعا کوي چې شخصي درملتونونه بې‌کیفیته درمل په لوړه بیه پلوري.

د خوړو او درملو ملي ادارې سرپرست هالنډ هېواد ته له سفر وروسته په کابل کې یوې خبري غونډې ته وویل چې له شلو ډېر هېوادونو افغانستان کې د درملو تولید او طبي محصولاتو په برخه کې پانګونې ته لېوالتیا ښودلې ده.

بلخ کې د شمال زون په کچه د ۶۲ میلیون افغانیو په لګښت د درملو او طبي تجهیزاتو د زېرمه کولو مرکز پرانیستل شو.

د هلمند یو شمېر اوسېدونکي ادعا کوي چې په دغه ولایت کې د درملو کیفیت خراب دی؛ ځکه ناروغان يې نه ورسره ښه کېږي خو حکومتي مسوولین بیا وايي، د درملو کیفیت څاري او له سرغړونکو سره به قانوني چلند کېږي.

د لوګر د عامې روغتیا ریاست مسوولین وایي، د دغه ولایت د مرکز پل‌علم او ولسوالیو روغتونونه او روغتیایي مرکزونه د درملو له کمښت سره مخ دي.

د کندهار د عامې روغتیا ریاست مسوولین وايي، د دغه ولایت د میرویس حوزوي روغتون ته پخوا د سره صلیب نړۍوالې کمېټې له خوا درمل ورکول کېدل، خو له دوو میاشتو راهیسې يې مرسته بنده کړې او روغتون د درملو له کمښت سره مخ دی.

د طب برخې پوهان د امېدوارو مېرمنو له لوري په‌خپل ‌سر د درملو کارول زیان‌اړونکي بولي او وايي، په‌خپل ‌سر له درملو استفاده د ماشوم د سقط، له مودې مخکې زېږون او د جنین سوء شکل لامل ګرځي.

د کندهار ښار په عینو مېنه کې د ۷۱ سوداګرو په ګډې پانګونې سره د ۵۰ میلیون ډالرو په لګښت د «سنو فارما» په نوم د درملو د تولید یوه لویه فابریکه پرانیستل شوه.

د افغانستان د درملو صنعت او روغتیایي محصولاتو اتحادیه وایي، حکومت دې هېواد ته د غیرقانوني او بې‌کیفیته درملو د وارداتو مخه ونيسي؛ خو حکومتي مسوولين بيا وايي چې تر ډېره يې د غيرقانوني درملو د وارداتو مخه نيولې ده.

د افغانستان د عامې روغتیا وزارت وایي، له پاکستانه افغانستان ته د نږدې ۲۰۰ ميليون پاکستانۍ کلدارو په ارزښت د درملو رالېږلو لړۍ پېل شوې او تېره ورځ یې لومړۍ جوپه کابل ته رسېدلې ده.