راګرځول

د هلمند د والي ویاند وایي چې په تېرو دوو اوونیو کې په دغه ولایت کې د کرنې او امنیتي ادارو په همکارۍ ١٢٨٠٠ جریب غصب شوې حکومتي ځمکه راګرځول شوې ده.

د عدلیې وزارت وایي، د تېرې یوې میاشتې په اوږدو کې یې په ۲۳ ولایتونو کې څه باندې ۲۵۹ جریب ځمکه امارتي تثبت کړې او په اوو ولایتونو کې یې څه باندې ۳۴ زره جریب ځمکه له غصبه خلاصه کړې ده.

کندهار کې د ځمکو د غصب مخنیوي کمېسیون مسوولین وايي، په تېر یونیم کال کې یې ۶۵ زره جریب غصب شوې ځمکه بېرته راګرځولې ده.

د بغلان د کرنې ریاست چارواکي وايي، په دغه ولایت کې د څه باندې ۵۰ زره جریب غصب شوې کرنیزې دولتي ځمکې له ډلې یې شل زره جریب بېرته راګرځولې او د پاتې نورې خلاصولو هڅې روانې دي.

د اروزګان ځایي مسوولین وایي، په تېرو دوو کلونو کې یې په دغه ولایت کې ۴۰ زره جریب غصب شوې دولتي ځمکه تشخیص کړې چې تر اوسه یې یوازې نهه زره جریب راګرځولې ده.