فراه

د فراه ولایت له بالابلوک او فراه‌رود ولسوالیو پرته د نورو ټولو ولسوالیو سړکونه لا هم خامه دي چې له امله یې خلک په بېلابېلو برخو کې له ستونزو سره مخ دي.

ستره محکمه وایي، په فراه او غزني ولایتونو کې اوو کسانو ته په عام محضر کې تعزیري سزا ورکړل شوه.

د فراه ښار د لومړۍ امنیتي حوزې اړوند مهاجرینو سیمه کې نن سهار د دوو کورنیو ترمنځ شخړه کې دوه کسان وژل شوي او یو بل ټپي دی.

سیمه‌ییز مسوولین وایی، په فراه او لوګر ولایتونو کې له څه باندې نهه زره کورنیو سره د خوارکي توکو او نغدو پیسو مرستې وشوې.

نن سهار د فراه د مرکز اړوند باغ‌پل سیمه کې یوه کورنۍ کې د کاکا زامنو ترمنځ د میراث پر سر شخړه کې د دوو مېرمنو په ګډون درې کسان وژل شوي او یو بل ټپي دي.

په فراه ولایت کې د وروستیو ورښتونو او سېلابونو له امله ۲۴ کسانو ژوند له لاسه ورکړی او ۳۳ نور ټپیان شوي دي.

د مالیې وزارت وايي، د فراه ولایت په ابو نصر فراهي ګمرک کې د کارکوونکو لپاره د ۱۲،۸ میلیون افغانیو په لګښت عصري لیليه جوړه شوه.

د فراه ولایت په ګلستان ولسوالۍ کې د یوه پخواني ماین چاودنې له امله دوو کسان ژوند له لاسه ورکړی او یو بل ټپي شوی دی.

د فراه ښاروالۍ مسوولین وایې چې د دغه ولایت په مرکز کې د ۸  میلیونه افغانیو په لګښت د درېیو سړکونو د جوړولو چاري پیل شوې.

د کلیو پراختیا او بیارغونې وزارت وايي، فراه ولایت کې د «کج صمد» د اوبو ستر بند د تحقيقاتو چارې پیل شوې چې پر جوړولو به یې دوه میلیارده افغانۍ ولګول شي.

د فراه امنیه قومانداني وايي چې پر نشه‌يي توکو روږدي څه باندې ۷۰۰ کسان تر درملنې وروسته خپلو کورونو ته واستول شول.

د فراه ولایت د ۱۱ ولسوالیو د ودانیو له ډلې یوازې د پرچمن ولسوالۍ ودانۍ روغه پاتې ده، د نورو ولسوالیو ودانۍ د تېرو جګړو له امله یا بشپړې او یا هم نیمې ویجاړې شوې دي.