نابینا

د ۲۶ کلن حسیب‌الله زهیر سترګې لید نه لري، خو د زړه په سترګو یې نړۍ ځان ته دومره روښانه کړې چې د یوه بینا انسان په څېر یې لوړې زده‌کړې کړې، د قران‌کریم تفسیر او د تاریخ ځیني مهم کتابونه په بریل خط لیکي او هڅه کوي د نورو نابینایانو لپاره هم د هیلو نوې لارې پرانیزي.        

عزیزالله له دوو خوېندو او یوه ورور سره یې چې ټول لویان دي، له نابینايۍ او اقتصادي ستونزو کړېږي. دغه څلور کسان د دایکنډي د میرامور ولسوالۍ د «نالج برګر» کلي اوسېدونکي دي.

قاري مصور شجاع چې کلونه مخکې يې سترګې له لاسه ورکړې، درې ځایه کار کوي او د خپلې ۱۲ کسیزې کورنۍ سرپرستي هم ور له غاړې ده، وایي چې د نظام له بدلون سره یې کار زیانمن شوی خو د ښې راتلونکې لپار هيله لري.