ناسته

د ملګرو ملتونو سرمنشي انتونیو ګوترش د برېکس په ۱۶مه ناسته کې د ګډون لپاره ‎د روسیې کازان ته رسېدلی دی.

د افغانستان د بهرنیو چارو وزارت سرپرست د مسکو فارمټ شپږمه مشورتي ناسته کې وړاندیز کړی چې د کوربه هېواد او د مسکو فارمټ غړو په همکارۍ دې دغه میکانیزم د افغانستان او سیمې ترمنځ د همکارۍ پر بهیر بدل شي.

د کابینې په ناسته کې د سرحدونو، قومونو او قبایلو چارو وزارت ته سپارښتنه شوې چې په لرې پرتو سیمو کې د پیل شوو چارو جدي څارنه وکړي او ټولو محرومو سیمو کې دې خلکو د ژوند اسانتیاوې برابرې کړي.

د ریاست‌الوزرا سیاسي معاونیت وایي، د ا.ا سیاسي کمېسیون ناسته کړې چې په کې له یو شمېر هېوادونو سره د اړیکو پر پراختیا او د سیمه‌ییزو پروژو پر پلې کېدو خبرې وشوې.

د افغانستان بانک وایي، د دغه بانک د سرپرست په مشرۍ پلاوي په جیپوتي هېواد کې د اسلامي مالي خدمتونو بورډ په ۲۲مه کلنۍ غونډه کې ګډون وکړ.

د دوحې په ناسته کې د ا.ا د پلاوي مشر ذبیح‌الله مجاهد وایي، دا غونډه د افغانستان په ګټه پای ته ورسېده، د بېلابېلو هېوادونو له استازو سره ۲۴ نورې ناستې هم وشوې، په دې ناستو کې د افغانستان دریځ ومنل شو او اسلامي امارت به په ورته غونډو کې ګډون کوي.

د افغانستان بهرنیو چارو وزارت وایي، د دوحې درېیمه غونډه نن ماښام پیلېږي، سبا دوه بجې پای ته رسېږي او له هغه وروسته که ځیني استازي له چا سره ناستې کوي، له یادې غونډې سره تړاو نه لري.

د امریکا متحده ایالتونو د بهرنیو چارو وزارت ویلي چې د افغانستان لپاره د دغه هېواد ځانګړي استازي توماس وېسټ او رینا امیري د دوحې په درېیمه غونډه کې ګډون کوي.

د بهرنیو چارو وزارت وایي، د اسلامي امارت د  مشرتابه له هدایت سره سم د ذبیح‌الله مجاهد په مشرۍ پلاوی د دوحې په راتلونکې ناسته کې ګډون کوي.

د افغانستان د بهرنیو چارو وزارت وایي چې ټاکل شوې په «سن پټرزبورګ» اقتصادي ناسته کې د اسلامي امارت په استازیتوب د کار او ټولنیزو چارو وزارت سرپرست ګډون وکړي.

د ملګرو ملتونو سیاسي مرستیال ویلي چې د افغانستان په تړاو د دوحې راتلونکې ناسته د روان کال د چنګاښ میاشتې په یوولسمه جوړېږي او اسلامي امارت هم ویلي چې دې ناستې ته وربلل شوي او په دې غونډه کې د ګډون په اړه به تصمیم ونیول شي.

ملګرو ملتونو ویلي چې د دغه سازمان د بشري حقونو شورا د دورې د ارزونې کاري ټیم ناسته نن د افغانستان د بشري حقونو د راپورونو ارزونې لپاره ناسته ترسره کیږي.