نورالدین عزیزي

د افغانستان د صنعت او سوداګرۍ وزیر په چین کې د ازادو زونونو سازمان په نړۍوال کانګرس کې په خپله وینا کې د اقتصاد او سوداګرۍ ودې او پایښت لرونکې پراختیا ته د رسېدو برخو کې د ازادو اقتصادي زونونو پر اساسي رول ټینګار کړی دی.

د صنعت او سوداګرۍ وزارت سرپرست نورالدین عزیزي په یوه ویډیویي پیغام کې ویلي چې افغانستان او چین کولای شي د واخان دهلېز له لارې د سوداګرۍ کچه لوړه کړي.