همکاري

د ازبکستان ولسمشر وایي، د افغانستان له اوسني حکومت سره باید د سختو ستونزو په حل کې همکاري وشي او په سیمه‌ییز اقتصادي بهیر کې د دغه هېواد مشارکت په پام کې ونیول شي.

د افغانستان د اطلاعاتو او فرهنګ وزارت د هنر او کلتور مرستیال د چین له سفیر سره په لیدنه کې ویلي، نړۍوال کلتوري سازمانونه او هېوادونه دې د افغانستان فرهنګي ارزښتونو خوندیتوب کې همکاري وکړي.

د رياست‌الوزراء اداري مرستيال د ملګرو ملتونو سازمان د سرمنشي ځانګړي استازي له مرستیال سره لیدنه کې د ټاپي، ټاپ او د افغان – ټرانس په شان سترو پروژو د پلي کولو برخه کې د مرستندویه بنسټونو د همکارۍ غوښتنه کړې.

د ریاست‌الوزرا سیاسي مرستیال د ننګرهار د مومندو له یو شمېر قومي مشرانو سره په لیدنه کې ویلي، ا.ا هېڅکله د حق په مقابل کې د قوم، ژبې او سمت طرفداري نه کوي او ټولو افغانانو ته د خپلو حقوقو د تامین طرفدار دی.

د روسیې د اوسپنې پټلۍ اداره وایي چې د هرات – بولدک او افغان ټرانس د ریل پروژو کې هر ډول همکارۍ ته چمتو ده.

د عامې روغتیا سرپرست وزیر په قطر کې د جایکا ادارې له مسوول، د هالنډ او فرانسې له شارژدافیرانو سره لیدلي او غوښتي یې دي چې د افغانستان د روغتیا له برخې سره دې مرسته او همکاري وشي.

د تاتارستان هېواد ورزشي مسوولین د افغانستان المپیک ملي کمېټې او سپورټ له سرپرست سره په لیدنه کې ویلي چې د افغانستان ورزشکارانو پیاوړتیا او روزنې برخه کې لازمه همکاري کوي.

د کډوالو او راستېدونکو چارو وزارت له ۷ بنسټونو سره د یو میلیون ۵۶۳ زره او ۱۲ ډالرو په ارزښت د همکاریو تړونونه لاسلیک کړل.

کابل کې د ترکیې سفیر د افغانستان لوړو زده‌کړو له سرپرست وزیر سره په لیدنه کې ویلي چې هېواد یې د افغانستان تحصیلي نظام په بنسټیزو چارو کې همکاري کوي.

په مالیزیا کې د مسلمانانو د یووالي نړۍوال انسټیټيوټ مشر، له افغان سفیر سره په لیدنه کې ویلي چې له افغانستان سره په نصاب جوړونه، اسلامي بانکدارۍ او نورو برخو کې همکاري کوي.

د چین نړۍوالو همکاریو پراختیایي اداره وایي چې د یوې لار نقشې په جوړولو سره په افغانستان کې د پولیو ناروغۍ د له منځه وړو برخه کې مرسته کوي.

د اروزګان امنیې قوماندانۍ له رسنیو سره د معلوماتو د پر وخت شریکولو د ټینګار ترڅنګ امنیتي کسانو ته سپارښتنه کړې چې له خبریالانو سره د کار پر مهال همکاري وکړي.