هېوادوالو

په ختيځ زون کې د اترا ادارې مسوولين وايي، تورخم کې یې د پنځو مخابراتي شرکتونو په همکارۍ له پاکستانه راستنو شوو هېوادوالو ته ۴۲ زره او ۴۲۳ سیمکارتونه په وړیا ډول وېشلي دي.

د لوړو زده‌کړو سرپرست وزیر شیخ ندامحمد ندیم ټولو افغانانو ته د یو ډول زده‌کړو زمینې پر برابرولو د ټينګار ترڅنګ ویلي، کله چې لازم شرایط برابر شي، د فاریاب پوهنتون ته به د طب پوهنځی منظور شي.

د ریاست‌الوزراء سیاسي مرستیال وایي، د اسلامي امارت پالیسي دا نه ده چې پر هېوادوالو ظلم او له هغوی سره زیاتی وکړي، بلکې د ملت د خدمت او ستونزو د حل لپاره یې هلې ځلې پیل کړې دي.

د وینې مرکزي بانک رییس د وینې ورکړې نړۍوالې ورځې په نمانځ‌غونډه کې وویل چې دغه بانک د وینې له کمښت سره مخ دی؛ ځکه په هېواد کې د نورو نارغیو ترڅنګ، پر کانګو د اخته کسانو شمېر ډېر شوی او دغه ناروغان وینې ته ډېره اړتیا لري.