هېواد

د دولتي ځمکو د غصب مخنیوي کمېسیون وايي چې تر اوسه يې په ټول هېواد کې ۱،۱ میلیون جریب غصب شوې دولتي ځمکه بېرته راګرځولې ده.

د اوبو او انرژۍ سرپرست وزیر وايي، د اوبو د مدیریت په موخه په ټول هېواد کې ۱۶۴ چک‌ډیمونه جوړېږي چې فوق‌العاده بودجه هم ورته ځانګړې شوې ده.

د افغانستان والیبال فدراسیون وایي چې د والیبال ملي لوبډله د اسیا مرکزي زون سیالیو کې له درېیم مقام ګټلو وروسته بېرته هېواد ته راستنه شوه.

د کرنې، اوبولګونې او مالدارۍ وزارت وایي چې د افغانستان کرنیز او مالدارۍ محصولات د قطر په شپږ میاشتني نړۍ‌وال نندارتون (اکسپو ۲۰۲۳) کې نندارې ته وړاندې کېږي.

د مالیې وزارت وایي، د ریاست‌الوزارء د حکم پر بنسټ له هېواده د هر ډول اوسپنیزو تجهیزاتو او توکو لېږد منع شوی دی.

د پژواک خپرو شوو خبرونو له مخې، د روان لمریز کال په شپږو میاشتو کې د هېواد په ۳۲ ولایتونو کې د ترافیکي پېښو له امله ۳۷۴ کسان مړه او ۳۱۰۵ نور ټپیان شوي دي.

د کرنې اوبو لګولو او مالدارۍ وزارت سرپرست بامیان ته د خپل سفر په ترڅ کې ویلي دغه وزارت هوډ لري چې افغانستان د کرنې له پلوه پر ځان بسیاینې او غذایي مصوونیت ته ورسوي.

د افغانستان د عدليې وزارت وايي، یوه میاشت کې یې د هېواد په ۱۴ ولایتونو کې ۳۰ زره او ۳۰۰ جريبه امارتي ځمکه له تثبیت وروسته، استرداد او اړوندو ادارو ته تسلیم کړې ده.

د کورنيو چارو سرپرست وزير وايي، د عصري او ديني علم په نوم د علم ترمنځ فاصله ایجادول د ډېرو ستونزو لامل ګرځېدلي، ملي او اسلامي روحیه د ملت د استحکام بنسټونه دي او اړينه ده چې تر ټولو ډېر پام د مثبت ذهنیت جوړښت ته وشي.

د کورنیو چارو سرپرست وزیر وایي، پولیس دې د مشرانو فرامینو په پلې ‌کولو کې له اخلاقو کار واخلي او که پر خپلې وړتیا او نصاب پر ځان بسیا شي هیڅوک نه شي کولای چې د نظام او ولس ترمنځ واټن رامنځته کړي.

د احصایې او معلوماتو ملي ادارې تېره اونۍ د شاوخوا ۳۰۰۰ د تولد کارتونو د وېش خبر ورکړی او ویل یې دي چې په دې موده کې له ۱۰۰۰ ډېرو بهرنیانو د هېواد هوایي ډګرونو او بندرونو له لارې تګ راتګ کړی دی.

د غضب شوو ځمکو راګرځولو او د غصب مخنیوي کمېسیون وایي چې د دغه کمېسیون د کار له پیله تر اوسه په ټول هېواد کې ۷۰۰ زره جریب غصب شوې ځمکه راګرځول شوې ده.