هېواد

د افغانستان د عامې روغتیا وزارت وايي چې د روان زېږدیز کال په تېرو پنځو میاشتو کې د هېواد په کچه ۲۰۳ کسان د کانګو پر ناروغۍ اخته شوي چې له ډلې یې شپږ کسان مړه شوي دي.

د کډوالو او راستنېدونکو چارو وزارت له خوا د ورکړل شوو معلوماتو له مخې، په تېرو اوو ورځو کې له پاکستان او ایرانه ۱۴۱۹۱ افغان کډوال هېواد ته راستانه شوي دي.

د ازموینو ملي اداره وايي چې د ۱۴۰۳ لمریز کال د کانکور ازموینې لړۍ د هېواد په ۱۶ ولایتونو کې رسماً پیل شوه.

د شهیدانو او معلولینو چارو وزارت وایي چې په ټول هېواد کې یې یتیمانو، معلولینو او کونډو ته د روان کال د لومړیو شپږو میاشتو حقوقو ورکولو لړۍ پيل کړه.

هرات کې مسوولین د متشبثو ښځو له ډېرېدو خبر ورکوي خو یو شمېر ښځې بیا له حکومته غواړي چې د هېواد په کچه دې د ښځو کاروبار لپاره ډېر ځایونه او مارکېټونه جوړ شي.

د اوبو او برېښنا وزارت د هېواد سیندیزو حوزو په ځینو سیمو کې د سېلابونو راوتلو او په سیندونو کې د اوبو ډېرېدو خبر ورکړی دی.

د عامې روغتیا وزارت وایي، په ټول هېواد کې د ګوزڼ (پولیو) واکسین کمپاین پیل شو چې په ترڅ کې به يې څه باندې ۱۱ میلیون ماشومان واکسین شي.

د کډوالو او راستنېدونکو چارو وزارت له خوا د ورکړل شوو معلوماتو له مخې، په تېرو اوو ورځو کې له پاکستان او ایرانه ۱۱۶۲۳ افغان کډوال په زور او یا خپله خوښه هېواد ته راستانه شوي دي.

پېښو ته د رسېدو په چارو کې د دولت وزارت وايي چې تېرو دوو ورځو کې د افغانستان په اوو ولایتونو کې د سېلابونو له امله ۲۱ کسان مړه او ۱۹ نور ټپیان شوي او نږدې ۸۴۰ کورونه په نیمه او بشيړ ډول ویجاړ شوي دي.

د ټرانسپورټ او هوایي چلند وزارت د هوا پېژندنې ادارې د هېواد په  پنځو ولایتونو کې د سخت ورښت، بادونو او سېلاب راوتلو له اټکل کېدو خبر ورکړی دی.

د مخکني حکومت د ملي مصالحې عالي شورا مشر ډاکټر عبدالله عبدالله د اروپايي ټولنې له استازې، د انګلستان سفارت له سرپرست او د اسپانیا په سفارت کې د افغانستان د چارو له مسوول سره په لیدنه کې سېلاب‌ځپلو ته د بشري مرستو ډېرېدو غوښتنه وکړه.

د ترانسپورټ او هوایي چلند وزارت د هېواد په ۲۱ ولایتونو کې د نسبتاً سختو ورښتونو، تالندې او تندر پرېوتو او د سېلابونو راوتلو خبر ورکوي.