واوره

د بلخ ځایي مسوولین وایي چې په شمالي ولایتونو کې د واورې وریدو او سړې هوا له امله شل کسان مړه او شاوخوا ۵۰ زره څاروي تلف شوي دي.

د هلمند ځایي مسوولین وايي چې د دغه ولایت په نوزاد ولسوالۍ کې یو کس غور ته پر لاره واوره کې د ایسارېدو له امله مړ شوی دی.

د غزني، پروان او میدان‌وردګ ځايي مسوولین وايي چې د سختو واورو ورېدو او توپان له امله د غزني د درېیو ولسوالیو لارې له مرکز، د پروان د سالنګ ولسوالۍ د ځینو سیمو لارې د ولسوالۍ له مرکز او د بامیان – میدان‌وردګ لویه لار د دغه ولایت په مربوطاتو کې د تګ‌راتګ پر مخ تړل شوې ده.

سرچینې د کابل – غور لویې لارې له پرانیستل کېدو او د جوزجان اقچې ولسوالۍ په کوهستاناتو کې په واروه کې د ایسار شوو ۱۳ مسافرو له ژغورل کېدو خبر ورکوي.

د غزني امنیتي مسوولین وایي چې د دغه ولایت خواجه‌عمري ولسوالۍ د برکت کوتل سیمه کې یوه کس واوره د ایسارېدو له امله ژوند له لاسه ورکړی دی.

. . .

د بغلان ولایت مسوولین وایي، د واورې ورښت او توپان له امله د سالنګ لویه‌لاره د هر ډول ترافیکو پرمخ تړل شوې ده.

. . .

د ملي دفاع وزارت وايي، په جوزجان کې یې ۱۴ کسان او په هرات کې یې د څلورو ایراني انجنیرانو په ګډون ۹ کسان- چې په واوره کې ایسار پاتې وو- د چورلکو په وسیله ژغورل شوي دي.

د غور ځايي مسوولین وايي، د غور – کابل پر لویه لار په واوره کې بند پاتې شاوخوا ۵۰ مسافر ژغورل شوي خو دغه لار اوس هم د ترافیکو پر مخ تړلې ده.

د کابل ښار یو شمېر اوسېدونکي د واورې په ورېدو سره تفریحي ځایونو ته ځي؛ هغوی وايي، واورینې ورځې له ملګرو او کورنیو سره د راټولېدو او تفریح لپاره یوه ښه پلمه ده.

په امریکا کې د سختې یخنۍ او واورې توپان له امله د مړو شمېر له ۶۰ کسانو څخه اوښتی؛ بلخوا زرګونه الوتنې لغوه او میلیونونه خلک له برېښنا بې‌برخې شوې دي.