وروستیو سېلابونو

پېښو ته د رسېدنې چارو کې د دولت وزارت وایي چې په تېرو دوو ورځو کې په تخار، بدخشان، غور او بغلان ولایتونو کې د راغلو سېلابونو له امله ۸۵ کسان مړه او شاوخوا سل نور ټپیان شوي دي.

په دې وروستۍ یوه میاشت کې د سېلابونو په پایله کې ۱۸۲ کسان مړه، ۲۵۰ کسان ټپيان او له درېیو زرو ډېر کورونه ویجاړشوي دي.

د کډوالو چارو وزارت وايي، د وروستیو سېلابونو له امله په ټول هېواد کې ۱۸ زره کورنۍ له خپلو سیمو بېځایه شوې او شاوخوا ۲۰۰ کسان مړه شوي دي.