<p style="text-align: justify;">کابل (پژواک، ۳ وږی ۱۴۰۱): په دې وروستۍ یوه میاشت کې د سېلابونو په پایله کې ۱۸۲ کسان مړه، ۲۵۰ کسان ټپيان او له درېیو زرو ډېر کورونه ویجاړشوي دي.</p>
<p style="text-align: justify;">دغه څرګندونې نن په کابل کې د افغانستان اسلامي امارت ویاند ذیح الله مجاهد یوې خبري ناستې ته وکړې.</p>
<img class="aligncenter wp-image-481740 " src="https://pajhwok.com/wp-content/uploads/2022/08/مجاهد-1024x683.jpg" alt="" width="534" height="356" />
<p style="text-align: justify;">هغه وویل: «په تېره یوه میاشت کې د سېلابونو راوتلو له امله ۱۸۲ کسان شهیدان، ۲۵۰ کسان ټپيان او ۳۱۰۹ کورونه په بشپړ او قسماً ویجاړ شوي دي.»</p>
<p style="text-align: justify;">سرچینې زیاته کړه، د یادو سېلابونو په پایله کې د زرګونه جریب ځمکو د حاصلاتو د له منځه تلو ترڅنګ ۱۰۰۰ څاروي هم له منځه تللي دي.</p>
<p style="text-align: justify;">هغه زیاتوي، اقلیمي بدلون د افغانستان په ګډون د سیمې ځينو هېوادونه اغېزمن کړي په تېرو حکومتونو کې د ناسم مدیریت او پرله پسې وچکالۍ له امله خلکو ته ډېر زیانونه اوښتي دي.</p>
<p style="text-align: justify;">نوموړی وایي، که سېلابونه ډېر شي، د افغانستان حکومت زیانمنو ته د رسېدنې وس نه لري، بیا هغه مهال له نړۍوالې ټولنې د همکاري غوښتنه کوي.</p>
<p style="text-align: justify;">د نوموړي په خبره، پېښو ته د رسېدو په چارو کې د دولت وزارت د سېلابونو د مدیریت پلان د اسلامي امارت کابینې ته وړاندې کړی چې د هغه په پلې کېدو سره به د زیانونو او تلفاتو مخه ونیول شي.</p>
