وسله‌وال غل

د بلخ امنیه قومانداني وایي، د دغه ولایت په مرکز مزارشریف ښار کې یو وسله‌وال غل د یو لړ عملیاتو په ترڅ کې وژل شوی دی.

د بلخ امنیتي مسوولین وایي چې د دغه ولایت د مرکز مزارشریف ښار لسمې امنیتي حوزې مربوطاتو کې یو غل له امنیتي کسانو سره په نښته کې وژل شوی دی.

د بدخشان امنیې قوماندانۍ مسوولین وايي، دوه وسله‌وال چې د دغه ولایت د یفتل پایان – راغ‎ها ولسوالیو پر لویه لار یې د مسافرو د مالونو لوټولو هوډ درلود، یو کس یې له پولیسو سره نښته کې وژل شوی دی.

د کابل امنیه قومانداني وايي، تېره شپه د ښار په اتمه حوزه کې د امنیتي کسانو او وسله‌والو غلو ترمنځ نښته کې یو غل وژل شوی او څلور نور نیول شوي دي.

چارواکي وایي، د کندهار په ډنډ ولسوالۍ کې تېره شپه د «وسله‌والو غلو» او امنیتي ځواکونو ترمنځ نښته شوې چې په ترڅ کې یې یو غل وژل شوی او یو بل ژوندی نیول شوی دی.