چاودنې

د راپورونو له مخې، د سوریې د حلب په منبج ښار کې د چاودنې له امله ۱۵ کسان وژل شوي او ۱۵ نور ټپیان شوي دي.

د کندهار سیمه‌ییز مسوولین وايي چې د دغه ولایت په سپین‌بولدک ولسوالۍ کې د یوې پخوانۍ سرګلولې د چاودنې له امله دوو ماشومانو خپل ژوند له لاسه ورکړی دی.

د راپورونو له مخې، د پاکستان د ملتان په یوه صنعتي سیمه کې د ګازو یوه ټانکر چاودنه کړې چې امله یې شپږ کسان وژل شوي او ۳۱ نور ټپیان دي.

د پکتیا امنیه قومانداني وايي چې د دغه ولایت په ځاځي‌اریوب ولسوالۍ کې د راکټ یوې زړې مرمۍ چاودنې یو ماشوم وژلی او پنځه نور یې ټپیان کړي دي.

د راپورونو له مخې، د نایجیریا په شمال کې د تېلو یوه ټانکر اوښتو او چاودنې له امله لږ تر لږه ۷۰ کسان وژلي او ډېر شمېر نور ټپیان دي.

د راپورونو له مخې، د چک جمهوریت شمال‌لوېدیځ کې په یوه رسټورانټ کې د ګازډبې چاودنې شپږ کسان مړه او اته نور ټپیان کړي دي.

د خوست امنیه قومانداني وایي، په دغه ولایت د ګاز ډبې چاودنې له امله څلورو کسانو خپل ژوند له لاسه ورکړی دی.

د کابل امنیه قومانداني وایي، د شېخ زاهد روغتون ته څېرمه په سړک چاودنه شوې چې له امله یې څلور تنه عام هېوادوال سرسري ټپیان شوي دي.

د روسیې بهرنیو چارو وزارت ویلي، د دغه هېواد یوه باروړونکې کښتۍ د هغې ماشین کې د چاودنې له امله د مدیترانې سمندر کې ډوبه شوې ده.

د میدان‌وردګو ولایت په چک ولسوالۍ کې د یوه پخواني ماین چاودنې له امله څلور ماشومان ټپیان شوي دي.

اسلامي امارت وایي، د کډوالو او بېرته راستنېدونکو چارو پر سرپرست وزیر برید “خوارجو” کړی او دا ډول اعمال نه شي کولی د اسلامي نظام پر وړاندې “د دسیسه جوړونکو کوم هدف” ترسره کړي.

د راپورونو له مخې، د بلوچستان په مرکز کوېټه کې د پولیسو یوې پوستې ته نږدې دوه شکمن موټرسایکل‌سپاره چې چاودېدونکي توکي یې لېږدول، د دغو توکو چاودنه کې وژل شوي دي.