کابل

نن په کابل ښار کې د تېرو اوو ورځو په پرتله د افغانۍ پر وړاندې د ډالر ارزښت لوړېدو ترڅنګ د نفتي توکو، پاکستانۍ وریجو او هندي بورې بیې لوړې شوې دي.

د کابل ښار یو شمېر اوسېدونکي وایي چې حکومت دې د ډبرو سکرو بیه ټیټه کړي؛ ځکه د اقتصادي ستونزو له امله يې پر اوسنۍ بیو د پېرلو توان نه لري.

د کابل امنیه قومانداني وايي، د کابل ښار اتمې امنیتي حوزې اړوند سیمه کې د اووه عشاريه درې ميليون افغانیو د غلا په تور شپږ وسله‌وال کسان نيول شوي دي.

د کابل امنیه قومانداني وایي، تېرو شپږو میاشتو کې یې ۲۷۹۸ کسان د بېلابېلو جرمونو په تړاو نیولي او له هغوی یې ۱۳۶ میله وسلې، ۹۴ موټر او نور توکي تر لاسه کړي دي.

اجباري واده یوه داسې ستونزه ده چې له کلونو راهیسې په افغان کورنیو کې شته او ان د کورنیو د پاشل کېدو لامل شوې؛ ۳۵ کلنه شمسیه هم د دغه ناوړه دود له قربانیانو یوه ده چې اوس د ناروغۍ په بستر پرته ده او له کړاوونو ډک ژوند تېروي.

د کابل امنیه قومانداني وايي، هغه کس به ژر د قانون منګولو ته وسپاري چې په نظامي جامو کې په زور د یوه ځوان د سر ويښتان کموي او ویډیو یې په خواله رسنیو کې خپره شوې ده.

د کابل امنیه قومانداني وايي، د رییس‌الوزراء ملا محمدحسن اخند د حکم پر اساس، له پاکستانه راستنېدونکو افغان کډوالو لپاره د کابل په شمالي ترمینل کې لنډمهال کمپ جوړ شوی دی.

یو شمېر کابل ښاریان په تېره بیا ښځې د منظم ښاري ترانسپورټي سیسټم له نشتوالي شکایت کوي او له مسوولینو غواړي چې د دغه ښار په ټولو ناحیو کې د ښاري ملي بسونو سیسټم بېرته فعال کړي.

نن کابل ښار کې د اوو ورځو په پرتله د ډالر پر وړاندې د افغانۍ ارزښت لوړېدو ترڅنګ د قزاقي اوړو او پټرولو بیې هم لوړې شوې خو د ډېزلو، بورې او سروزرو بیې ټیټې شوې دي.

د ژمي په رانږدې کېدو سره د کابل ځیني ښاریان له اقتصادي ستونزو او د سون توکو له لوړو بیو شکایت لري او وايي چې د پېرلو وس یې نه لري؛ بل پلو، د لرګیو او ډبرو سکرو یو شمېر پلورونکي هم څرګندوي چې د تېر کال د همدغه وخت په پرتله یې پلور کم دی.

کابل کې د ترکیې نوي شارژدافیر د کورنیو چارو وزارت له سرپرست سره په تعارفي ليدنه کې د هرات له زلزله‌ځپلو سره له بشري مرستو بار رېل‌ګاډي د راتلو خبر ورکړ او وایي چې هېواد یې په سختو حالاتو کې د افغانانو تر څنګ درېدل خپله وجیبه ګڼي.

پولیس وایي، کابل ښار کې یې د غلو یوه نهه کسیزه ډله د شاوخوا ۳۵۰ زره امریکایي ډالرو په ارزښت غلا شوو توکو سره نیولې ده.