کورونه

کونړ کې مسوولین وایي، د دغه ولایت په مرکز او یو شمېر ولسوالیو کې د ملګرو ملتونو د کډوالو عالي کمېشنرۍ په مالي ملاتړ داخلي بې‌ځایه شوو او تازه راستنو شوو کورنیو ته کورونه جوړ شوي دي.

د هېواد دملي سوداګر او د عزیزي بنسټ مشر میرویس عزیزي لخوا د ۲۰۰ میلیونه افغانیو په لګښت د هرات زلزله ځپلو لپاره جوړ شوی ښارګوټی پرانیستل شو.

هرات کې ځايي مسوولین وايي، د دغه ولایت په رباط‌‌‌ سنګي ولسوالۍ کې زلزله‌ځپلو ته د ښارګوټي په بڼه د ۳۶ نورو کورونو جوړولو چارې بشپړې او ګټې اخیستنې ته وسپارل شول.

د میدان‌وردګو په جلرېز ولسوالۍ کې ۷۶ سېلاب‌ځپلو کورنیو ته کورونه جوړ او ور وسپارل شول.

ځایي مسوولین وایي چې د هرات په زنده جان ولسوالۍ کې د زلزله ځپلو خلکو لپاره د ۶۵۰ کورنو جوړولو چارې پیل شوې.

د غزني په ناوې ولسوالۍ د ۱۶ میلیون افغانیو په لګښت یو روغتیایي مرکز او د یتیمانو لپاره ۲۳ کورونه جوړ او ګټې اخیستنې ته وسپارل شول.

د هرات له زلزله‌ځپلو سره د مرستو په لړ کې د افغانستان د صرافانو شورا د ۵۰ کورونو جوړولو او د ملګرو ملتونو د پرمختیایي پروګرام زلزله‌ځپلو ته د خوړو چمتو کولو په موخه د څو سیمه‌ییزو پخلنځیو جوړولو خبر ورکړی دی.

فراه کې مسوولین وايي، د دغه ولایت په بالابلوک او فراه‌رود ولسوالیو کې د یو میلیون او ۳۰۰ زره امریکايي ډالرو په لګښت د څه باندې دوه‌نیم زره هغو کورونو بیارغولو چارې پيل شوې چې په تېرو جګړو کې تخریب یا ویجاړ شوي دي.

د پاکستان پلازمېنه اسلام‌اباد کې د دغه ښار پرمختیا ادارې له خوا د یو شمېر افغانانو کورونه نړول شوي دي.

د ننګرهار د کډوالو چارو رياست وايي، د دغه ولايت سپين‌غر ولسوالۍ کې د جګړو له امله ړنګ شوي ۳۷۵ کورونه بیارغول کېږي.

نورستان کې مسوولین وایي چې د دغه ولایت د کامدېش ولسوالۍ د یوه کلي ۱۳ کورونه چې یو تاریخي کور هم په کې شامل دی، سوځېدلي دي.

د پکتیا مسوولین وايي، د دغه ولایت په برمل ولسوالۍ کې د افغانستان لپاره د ناروې کمېټې له خوا د ۳۹ میلیون او ۶۰۰ زره افغانیو په لګښت، ۲۶۵ زلزله‌ځپلو کورنیو ته نوي کورونه جوړ او ۱۸۴ ته کورونه ترمیم شول.